Jeremia 13:27 - Iaai Bible 1901 (New Caledonia)

²⁷ Oge hia but wâ hwakecâm ae ikiki, wale hnâm je hna bi ûnyi monu, me hwâm hwakuku helâ me hors, me ûganiny hnâm hna bi ûnyi monu hon je dok ae hut hnyi ta hnyei. Ekölö gam Jerusalema! u me ca he ka bo so; ke ne o but kehö?

Jeremia 13:27 ပူးပေါင်းရင်းမြစ်များ

Salamo 94:4

Adre me fuc, adre me ha bi gan: Adre me hai ödra bi hnödra hia tavat adre me ânyâ hulo?

Salamo 94:8

Ûnykûme ju öbun tavat ae ba hnyekubun unyin tavat: Ke haba öbun tavat ae monu, ie ûen öbun e he ka meta hnyin?

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Isaia 57:7

U je hia but ip hnâm hna mokut hon bucen ae beû ke gorany, u je ölö kâe me hudo je hut.

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 11:15

Ieû ame ânyâ oûnykûmik eang hnyi umök uma, anyin a e ame hia but bi ûnyi monu me tavat ae se, ke a he but gam utiö ae kap? hnyi ûen u je ânyâ ûnyi ae kong u me senyin bi.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Ezekiela 16:23

Ke hwaban ânyâm ta je hulo hia, (ekölö, ekölö gam! haingen Than Iehova,)

Ezekiela 2:10

ke e ame ulolo e hnyi hnyimakök; ke adre me tha sihnalimen li ke keihen: ke adre me sihnalimen hnyin e tenge, ke tenge thungaû, ke vec hnyok.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 24:12

A sënyin dut momo ge huliwa ae hmak; ke so bi ame ca he but ûnyi gan anyin vi ae gan; kʼ ame ca hia bi vi hnyin ge meic.

Ezekiela 24:13

E bi hnyi hwakecâm ae ikiki ûnyi ae ti kong: oge hia but obosoi u ke u ca bo so, anyin a wale adre me ca he hmetu ka obosoi u ûnyi hnyi hwakecâm ae ikiki, ke ne o but oge me he ka ip hom anyik hmönyin.

Ezekiela 24:6

Anyin a wale, walang hna ha hnen Than Iehova, ka habe, Ekölö ge taun ame hingâlâ dra, a öt ae hu vi hnyin, kʼ adre me ca ohia vi wale ûnyi hnyi hnyin e! hai thö ke uthmeno me ke uthmeno; kʼ adre ca hia but kû e hnen ugleköbâ.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 36:37

Walang hna ha hnen Than Iehova, ka habe, Can ûnyi e, hamen lap anyi Isaraela he ka elâm unyik, he ka ânyâ hobi kodra; oge me he ka osehiʼ ödra helâ me hnahat mamoe.

Ezekiela 6:13

Ke ame he ka khanʼ öbun a inya Iehova, e ka e but je kokidra hnyi wanben anyidra je idola igigilö anyidra je taben hut, hon je dok ae hut hia ae gorany, me hon ban je bucen hia, me hmelen je ûö hia ae hât, me hmelen je iwajo hia ae wanenec, waleji adre ham hnyin je ûnyi ae bo so ka anyidra je idola hia.

Hosea 1:2

Hnyi ûen Iehova ame bân ka fuc kö Hosea, me haingö Iehova kö Hosea, ka habe, He thö ka hok momo hnyi gethen ke lakon gethen: anyin ae gan hmâ bi ûuyi monu ge tavat, a gʼ adre me digic Iehova.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 8:5

Samaria lö, e ame hia but hota degecâ nokon kau unyâm; kʼ ame ubâhlâ thö anyik hmonyin kodra: ke ne o but kehö adre me ca he ka vheno hwakecin ae so?

Zefania 3:1

EKÖLÖ ge at ame ûkhin fuc me at ae ikiki, taun ame ovecâ!

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

II. Korinito 12:21

wâ e nye he Khonguk ka ohnyikönö nya unyibun, hukâ o hmetu, me oge me he ka tengiâ tavat ae se hia, a tavat adre me mâdrâ hulo, kʼ adre ca ietra hwakecidrin ae ikiki, ke bi ûnyi monu, ke wagelue adre me ânyâ.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

Hna Omanenâ 8:13

Ke oge me wâ me löng ke aeto ame gâ hnyi wanben drany, kʼ ame ha ge hwan ae hwege, ka habe, Ekölö, ekölö, ekölö ge tavat adre me laba hnyi hmeledrany ûnyi hnyi ifucin ke ta je trutru ame he ka tûâ biju hnen ta angela a kun.