Jeremia 13:22 - Iaai Bible 1901 (New Caledonia)

²² Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 13:22 ပူးပေါင်းရင်းမြစ်များ

Isaia 20:4

helâe minya ame he than Asuria ka lelö at Aigupito a je bâ me at Aithiope tavat adre me ca, wahidröu me wahingat ae ba ûkhaûidra me tangen hnyeucadra, kʼ adre ca tube je hûjiödra me me hmehma Aigupito.

Isaia 3:17

anyin a wale ame he Than ka kot wanben je hodra ge oholök, kʼ ame he Iehova ka omanenâ je unyidra.

Isaia 47:8

Ke walang ang, long ju ang, u at ame labö hnu hoton je senyin, at ame laba khötkic, at ame ha eû hnyi hnyekon, ka habe, Inya thibi, ke ba ju ke at; oge me ca he ka laba helâ me safac, ke haba khaca oge me ca he ka wâ ba nokon:

Jeremia 13:26

Anyin a wale oge me he ka hai obiny ânyâm ûkhaû ka hnyi hnyimâkâm, me e me manen hnân ohmehmai a.

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Je tenge anyi Jeremi 1:8

Jerusalema ame hia but hulo gan hmâ; anyin a wale e ame helâ me ûnyi ae ikiki: Haba tavat, adre me ogânâ e adre me hûkotiâ e, anyin adre hia but wâ a e ame he thu: Eke, e ame mâng, me hwio.

Ezekiela 23:26

Ke adre me he ka uny jut ânyâm je ûkhaû, me hûgûnâ je ohmanenangâm.

Hosea 12:8

Ke haingö Eferaima, ka habe, E hnathu, iny tren dut omjeû, oge wâ but tang omjehek: adre me ca he ka wâ hnyikonguk, wale a hulo bi hnyi anyik ta je huliwa hia.

Hosea 2:10

Ke walang ang oge me he ka omanenâ hwakecin ae ikiki hnyi hnyimakan laweny, ke ba at ame he ka hûgûnâ e ûnyi hnyi hnyamok.

Hosea 2:3

wâ oge nye uny jut anyin je ûkhaû, me hna but e, helâ me hnyi bong e ame o hnyin, me wia e me me helâ me hnyebuba, me ip e helâ me hnyei ae hwahwacit, me hlingâ e ge beic;

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Nahuma 3:5

Haingö Iehova tuhan sabaoth, ka habe, Wâ bi, e ve inya but möu, ke oge me he ka hai ânyâm ûkhaû ka hnyi hnyimâkâm; ke oge me he ka omanenö u ka ta je hnyei ke ba ûkhaûâm, me ânyâm hmehma ka ta je dökhu.

Zefania 1:12

Ke hnyi ûen eling oge me he ka jien Jerusalema ge je lamepa; ke oge me he ka bi hwaban ka tavat adre me laba sot, tavat adre me ha eû hnyi hnyok ka habe, Ame ca he Iehova ka mâdrâ so, ke ame ca he ka ânyâ minya ûnyi ae kong.

Deuteronomi 18:21

Ke u je ne he ka ha eû hnyi hnyekom, ka habe, Ohmun e he ka kâmâu hna wâhmakhmeto hofuc a ca ha Iehova?

Deuteronomi 7:17

U je ne ha hnyi hnyekom, ka habe, E gan je hnyei eling huk, kʼ oge ma kâmâu ka he ka hnyi hnödra!

Deuteronomi 8:17

ke u je ne he ka ha eû hnyi hnyekom, ka habe, A o könya omjeû eang ûnyi ge manik man me tang hwegien hnyamok.