Jeremia 13:19 - Iaai Bible 1901 (New Caledonia)

¹⁹ Adre hlöng ut je taun hnyi hwaiöu, ke ba at ame he ka khong: a hom hwenbâ Juda hia; adre me tha hwenbâ hia.

Jeremia 13:19 ပူးပေါင်းရင်းမြစ်များ

II. Je Than 25:21

Ke haba than Babulona ame hlingʼ ödrin hnyi Ribela, hnyi hnyei Hamath. Me adre me hom hwenbâ Juda ûnyi hnyi idrin hnyei.

I. Man Ûlabainy Je Than. 9:1

ME helâe adre aû je dö anyin at Isaraela hia; ke wâ bi, adre sihnalimidrin hnyi tusi anyin je than Isaraela: ke adre me hom at Juda Babulona ai can hnödrin hna hanyâûâ.

Jobu 12:14

Wâ bi, e ame hagutâ, ke ca khana ke at he ka op hmetu; E ame thelöng at, ke ca khana ke at he ka khong hmetu.

Jeremia 17:26

Ke adre me he ka o ûnyi hnyi je tauniny Juda me je ke keihen igigilo Jerusalema, me ûnyi hnyi hnyei Beniamina, me hnyei ae tha hon, me je bucen, me ûnyi hnyi Hwaiöu, adre me hom je hudiny leû, me je hut, me je hudiny han, me libanu, me adre me he ka hom je hudiny ole, ka hnyi uma umö Iehova.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 24:1

HABA Iehova ame omanenâ könya, ke wâ bi, li tang meta adre ip hnyi hnyimakan uma umö Iehova: hnyi ûen Nebukaneza than Babulona ame hia but hum Jekonia nöku Jehoiakima than Juda, me je taben hnyi Juda, me tavat huliwa me tavat leû fao, ûhedra Jerusalema, me hum ödra Babulona ai.

Jeremia 28:4

ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.

Jeremia 32:44

Ame he bi tavat ka ûco je utkânâ hwaban mone, me set iödra hnyi ûhihinyköu, me okeceâ haten, me hawâ tavat ohnatho, wale hnyi hnyei Beniamina, me hnyi je dok igigilo Jerusalema, me je tauniny Juda, me je tauniny je bucen, me je tauniny hnyei ae hnyikânâ, me je taun hnyi Hwaiöu: anyin oge me he ka ohmetu ödra a ta je bâ, haingö Iehova.

Jeremia 33:13

Hnyi je tauniny hnyei ae hut me je tauniny hnyei ae hnyikânâ, me je taun hnyi Hwaiöu, me hnyi hnyei Beniamina, me je dok igigilo Jerusalema, me je tauniny Juda, ame he hmetu je hnahat mamoe ka he hmelen li hnyamen at ame tuʼ ödra, haingö Iehova.

Jeremia 39:9

Ke haba je kolon tavat a hnen biju hnyi taun, me tavat kec waleji adre me utut kâu, me keihen minya a je kolon ame hum ödra Nebuzaradana taben tavat tue, Babulona at

Jeremia 52:27

Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Jeremia 52:28

Walang tavat a hom Nebukaneza a je bâ; haba hnyi huna a seveniny, me ödrin theri thauzan ke twente theri at Juda:

Jeremia 52:30

ke haba hnyi huna a twente theri Nebukaneza, me Nebuzaradana taben tavat tue ame hom bâ at Juda, a ödrin seven haded ke fâte faiv: ke haba ûseiny tavat hia me foa thauzan ke siks haded.

Je tenge anyi Jeremi 1:3

A bâ but Juda can ûöveci me huliwa ae hmak; E ame laba unyin je ethen, kʼ ame ca wâ bi hna menâ: Haba tavat hia adre me ovecâ e, me adre me khaû e hnyi dok ae hnek.

Zakaria 7:7

Hawa, e ca ûcû köbun he ka long hofuc waleji Iehova ame ha a deny je perofeta kâû adrem, hnyi ûen adre labâ Jerusalema ke e sot, ke adre me labâ je tauniny igigilo e, me ke keihen ka hnyi Hwaiöu, me dok ae tha hon?

Deuteronomi 28:15

Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

Deuteronomi 28:52

Ke e ame he ka igigili u hnen vat hnyi ânyâm je taun hia, ke ne o but ame u ta je hak veto u me op goranyai waleji u me geju kâu hnyi em hnyei hia: ke e ame he ka igigili u hnyi ânyâm je taun hia hnyi em hnyei waleji a ham köu Iehova Khongom.

Josua 18:5

Ke ödrin e he ka kia sevenâ: ame he Juda ka laba hnyi hnyigöulen ka hnyi hwaiöu, ke ame he lap anyi Josefa ka laba hnyi hnyigöulödrin ka hnyi hwadrö.