Jeremia 13:16 - Iaai Bible 1901 (New Caledonia)

¹⁶ Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 13:16 ပူးပေါင်းရင်းမြစ်များ

Jobu 3:5

E so ame he lit me hanon mok ka hom e: E so he ka tube e ge ûlâ; Me ootâ e ge menekholom hnyi jebigö.

Salamo 107:10

Haba tavat adre me laba hnyi menekholom me hmenon mok, Wale adre me cʼ ödra hnen vec me fao;

Salamo 107:14

E ame hum ödra ûnyi hnyi menekholom me hmenon mok, Me thu je hna cʼ ödra.

Salamo 29:2

Ham dö kö Iehova hmanenang ae ûcû me ien; Khudrung ju kö Iehova hnyi mec ae kap.

Salamo 44:19

Ke so bi u je hia but kuc öhmun hnyi hnen je tanimo, Me tubi öhmun ge hmenon mok.

Esodo 10:21

Ka haba Iehova ame ha kö Mose, ka habe, Hai thö hnyamâm goranyai, me me menekholom but hnyei Aigupito, ke menekholom ae kböt.

Ta je Vejec 4:19

Haba gethen deny tavat ae monu me helâ me menekholom: Adre me ca wâ bi ûnyi adre thö hnyin.

At Khet 11:8

Eke, ame ne möt at, me se hia ta je hunainy, me so e ame senyinâ hia; ke so bi e so e ame ûnykûme je bong ae menekholom, anyin ame he ka se hia. Thatûnyi ta je ûnyi hia ame o.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 59:10

Öhmun e khaûteta hna up veto helâke ta je wadröu, eke, öhmun e khaûteta helâke ba li ecmak: öhmun e haûhaû hnyi jebigo helâke me hauhauotreng: öhmun helâke me ta je komok unyin tavat ae möt.

Isaia 59:9

Anyin a wale e ûsâkâûö möhmun hna owisa, kʼ ame ca khöû öhmun wisa: öhmun e halubahingen lany, ke wâ bi, wale lit; öhmun e halubahingen umumelam, ke wâ bi, wale menekolom.

Isaia 60:2

Anyin a wâ bi, ame he ka tube hmeledrany hnen lit, ke ame he ka tube ta je hnyei hnen menekholom: ke ame he Iehova ka o hom, ke ame he ka manen hmanenanginy hom.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 23:12

Anyin a wale ame he dedra je gethen ka helâ me dok ae haûhaû hnyi menekholom kodra, adre me he ka alin ödra mʼ adre me ta hnyin: anyin oge me he ka oâ kodra ûnyi ae kong, wale hunainy bi hwaban kodra, haingö Iehova.

Jeremia 4:23

Oge me wâ hmeledrany, ke wâ bi, e ba hwenoiny, ke ba önyen; ke oge me wâ drany ae ba but melam.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Jeremia 6:21

Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Jeremia 8:15

Ate me halubahingen hnahic, ke ba bi so, ke ate me halubahingen ûen metu, ke wâ bi, hlohlo bi!

Je tenge anyi Jeremi 4:17

Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

Ezekiela 21:15

Oge hia but ip obiny hele vat hnyi je homagöuledra hia, me me köiö but je hnyekudra me me osehia hnödra je hna haû: ekölö! adre ânyâ e helâ me hucuce, adre khet homakan e hnân ûhlingö.

Ezekiela 34:12

Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.

Ezekiela 36:15

ke oge me ca he hmetu ka ha gam hmehma anyin ta je hnyei, ke ame ca he hmetu je hnyei ka haikongu u, ke u me ca he hmetu ka othöâ em hnyei, haingen Than Iehova.

Joela 2:2

bonginy lit me menekholom, bonginy ûlâ me khömet, helâ me melaminy hnyomakatu ame ulolo hon je bucen; hnyei ae gan me hwege, e ba helâe ehac, ke ame ca he hmetu ka helâe, hnyi je hunainy je dö ae se hia.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Amosa 5:18

Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Josua 7:19

Ke haba Josua ame ha kö Akana, ka habe, Nokuk lö, ö u na he ka oganö Iehova Khongon at Isaraela, me haimemenâ kâu; ke ha könya walang ang ûnyi u je hia but ânyâ; ca he ka ikhâlâ gak.

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.

I. Samuela 6:5

Anyin a wale öbtin e he ka theatâ anyibun je ohuc, me halebun je tep, hnyat okongoâ hnyei; ke öbun e he bi ka ogânâ Khongon at Isaraela; me ame ne he ka ohâhâ hnyamen hubun, me hon je khongubun me ibun hnyei.