Jeremia 13:14 - Iaai Bible 1901 (New Caledonia)

¹⁴ Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 13:14 ပူးပေါင်းရင်းမြစ်များ

II. Man Ûlabainy Je Than. 20:23

Anyin a haba lakon Amona me Moaba ödrin e tot ûcon aten bucen Seira he ka hlingâ me ohiʼ ödrin: ke ödrin e hia but hhngâ aten Seira, me ödrin e ka ûhlingödrinköu ju.

Jobu 27:22

Ke ame he Khong ka lûâ e me ca betenge: Kʼ ame bekec ut ûnyi hnyi hnyamen.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Jeremia 15:5

Anyin a ie at ame he ka betenge gam Jerusalema? ke ie at ame he ka mâng gam ke ie at ame he ka saû me me hnö bongom?

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 16:5

Anyin a walang hna ha hnö Iehova, ka habe, Ca didro ka hnyi uma tenge, ka ca he bi ka hnyi tenge thungaû, ke ca mâng gadra; anyin oge hia but hom anyik hnahicʼ ûnyi ge hnyei ang, wale ibetengiö me betenge vec, haingö Iehova.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 25:16

Ke adre me he ka ic me ta tot, me ti hmonyin, can hele vat oge me he ka kunâ kodra.

Jeremia 47:3

Ke ame ca hwio lakamen ka ta je lakudra, anyin ae sënyin dut ta je hnyam, can hwan can haleny je hors ae hwege, me kec hwegeiny anyin je kariota, me lunginy anyin je waengen;

Jeremia 48:12

Anyin a wale, wâ bi, ame he ka o je bong, haingö Iehova, me oge me he ka kunâ kâu tavat adre hingâlâ, mʼ adre me he ka hingâlâ e; ke adre me he ka hingâlâ hia ûnyi hnyi anyin je kaia, me oamamâ anyidra je kaia.

Jeremia 6:21

Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Ezekiela 24:14

Inya Iehova at ame ha: ame he ka o, ke inya oge me he ka ânyâ; oge me ca he ka hmetu, ke oge me ca he ka betenge, ke oge me ca he ka ietra; adre me he ka bi hwaban köu hoton dem je gethen, ke hnâm je hna ânyâ, haingen Than Iehova.

Ezekiela 7:3

Ame o but walang ang köu obiny, ke oge me he ka ohwâdâ anyik hmonyin köu, me owisa köu hoton hwakecâm; ke oge me he ka oâ ka hnyi hom ânyâm ta je ûnyi ae ikiki.

Ezekiela 7:4

Ke oge me ca he ka hok hnyok gam, me betenge: ke oge me he ka oâ dem je gethen hom, ke ame he ka e hnyi wanbâm ânyâm ta je ûnyi ae ikiki: ke ame he ka khanʼ öbun a inya Iehova.

Ezekiela 7:9

Ke oge me ca he ka hokhnyok me betenge: ke oge me he ka oâ köu hoton dem je gethen, ke ame he ka e hnyi wanbâm ânyâm ta je ûnyi ae ikiki; me ame he ka khanʼ öbun a inya Iehova, at ûkûc.

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Ezekiela 9:10

Ke haba inya oge me ca he bi nya ka hok hnyok me betenge, ke oge me he ka oâ dedra je gethen ka hnyi hon je bödra.

Ezekiela 9:5

Ke e ame ha ka keihen, ke oge me hnyi long, ka habe, He thʼ öbun ka vheno taun hoton e, me kot: ca he öbun ka hok hnyok me betenge:

Hosea 2:4

eke, oge me ca he ka betenge ge je lakon; anyin a ödrin je lakon gethen.

Zakaria 11:6

Anyin oge me ca he hmetu ka betenge ge tavat adre me labâ hnyei, haingö Iehova: ke wâ bi oge me he ka ve hna tavat ka hnyi hnyamen je lahanödra, ke ka hnyi hnyamen tuhan: me adre me he ka kot hnyei, ke oge me ca he ka omeli ödra ûnyi hnyi je hnyamödrin.

Mataio 10:21

Ame he keiny ka hna liamekeiny mē ka mok, ke helâe minya kamen ka nokon: kʼ ame he lakon ka tot ka kamödrin me hinyödrin, mʼ adre me he ka hlingʼ ödru.

Mareko 13:12

Ame he ke liamekeiny ka hna liamekeiny mē ka mok, ke helâ kamen ka nokon; ke ame he lakon ka tot ûcon kamödrin me hinyödrin, he ka hlingʼ ödru.

Deuteronomi 29:20

ke ame ca he Iehova ka hna e, ke so bi, ame he ka sâ hmönyin anyi Iehova me anyin ciâ ka at eling, kʼ ame he bi ka ta hon hnaûhango hia adre sihnalimen hnyi tusi ang, ke ame he Iehova ka kot degecâ ien ûnyi eang hmeledrany.

I. Samuela 14:16

Ke haba hnyat hmâkâ hnyi Saulo hnyi Gibea hnyi Beniamina ödrin e wâ; ke wâ bi ame aû but tavat, ke adre me kec monu ehele.