Jeremia 13:13 - Iaai Bible 1901 (New Caledonia)

¹³ Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 13:13 ပူးပေါင်းရင်းမြစ်များ

Salamo 60:3

U je hia but omanenâ ka lakem ta je ûnyi ae hmak: U je hia but kunʼ ohmun he ka ijem waina ame omonumonu at.

Salamo 75:8

Anyin a e hnyi hnyamö Iehova kaia, ke ame hûlûlû hangoc dö waina; Ke unöngötö ge hna ûthueniken, ke e ame hingâlâ ûnyi hnyi hnyin e: E hnathu ame he tavat hia ae kong hnyi hmeledrany ka drem e, me ijem kânâiny.

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 51:21

Anyin a wale, long ju ang, u at adre ovecâ, me at he monu ke ca hnen waina:

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 13:12

Anyin a wale, u me he ka ha kodra hofuc ang, ka habe, Walang hna ha hnö Iehova Khongu Isaraela, ka habe, Ame he ka unö-ngöt ta je kaia hia ge waina: ke adre me he ka ha köu, ka habe, Hawa, e ca khanʼ ohmun a gʼ ame he ka unöngöt dö ta je kaia ge waina?

Jeremia 25:27

Ke u me he ka ha kodra, ka habe, Walang hna ha hnö Iehova tuhan sabaoth, Khongu Isaraela, ka habe, Ijem dʼöbun, ke monu thö, me hmita but, me ta ju, ke ca tot hmetu bi, can hele vat oge me he ka kunâ köbun.

Jeremia 25:29

Anyin a wâ bi, inya oge me hwân he ka oaatâ ûnyi ae kong ka taun wale adre wenyö kâu iök, ke hawa, adre me ca he minya ka bi hwaban köbun? Öbun e ca he ka he baû: anyin oge me he ka hawâ hele vat hobi kâu tavat hia thithö adre me laba eang hmeledrany, haingö Iehova tuhan sabaoth.

Jeremia 51:57

Ke oge me he ka omono je tuhan me tavat unyin ae metâ, me je gavenainy me anyin je taben, me tavat unyin ae hwege; ke adre me he ka mokut nyiele balua, me ca hmak hmetu bi, haingen Than, Iehova tuhan sabaoth ien.

Jeremia 51:7

Babulona ehac, me helâji me kaia gol hnyi hnyamö Iehova, kʼ ame omono hmeledrany hia: kʼ ame hia but ijem wainainy ge ta je hnyei; anyin a wale ame monu thö ta je hnyei.

Habakuka 2:16

U je unöngötö ge hmehma ke ca hmanenang bi: bethe ic dö minya, mʼ u me helâ me at adre ca peritomonâ: adre me he ka wia köu kaiainy hnyam a metö Iehova, ke ame he ka e bi hon ânyâm hmanenang hmehma ae ikiki.