Jeremia 13:10 - Iaai Bible 1901 (New Caledonia)

¹⁰ Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 13:10 ပူးပေါင်းရင်းမြစ်များ

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

At Khet 11:9

Hidröu lö, senyin dö, u ka tiga but; ke hobâ thö hnyekom hnyi je bonginy ânyâm hidröu, ke vheno thö je gethen deny hnyekom, me ta je ûnyi u je wâ hnen li emâkâm: ke khanö u thö a ame he Khong ka hum u can ta je ûnyi hia e ka hnyi hna owisa.

Isaia 3:24

Ke ame he ka hu bebong hwaban bo so; ke tö ae gan nân, hwaban wen hnyok; ke hadreû, hwaban hna theibâ ban; ke hnamöc a mano ae gan nân, hwaban ûkhaû ae laû; ke delâ, hwaban hmainy hnyimak.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 11:18

Ke haba Iehova ame owâhmakhmeto nya gan, me me khanö nya thö: me u je omanenâ könya anyidra ta je huliwa.

Jeremia 13:7

Me oge me he Euferate ai, me hiny, me hom wen ûnyi hnyi dok oge ikhâlâ e hnyin: ke wâ bi, e kong ut wen, ke ûnyi baû but.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 44:16

Haba hofuc u je hia but ha kohmun hnyi iö Iehova, ohmun e ca he ka löng köu.

Jeremia 44:5

Ke adre me ca long bi, ke adre me ca tevehlöng bi he ka hmetu ju ûnyi hnyi anyidra ta je hulo, mʼ adre me ca he ka leû utö ae bo so ka ke je khong.

Jeremia 5:23

Ke haba tavat ang e hu gadra hnyok ae ûjöng, me ûkhin fuc; adre me thu musi me he but.

Jeremia 7:13

Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Jeremia 9:13

Ke haingö Iehova, ka habe, Anyin adre hna degecâ anyik hnanyibu waleji oge hia but ip hnyi hnyimakodra, me ca long bi ifucik, me ca hnu bi hoton;

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Jeremia 9:6

E bi, hnyabam hnyi wanben iyawo; can iyawo ödra höcö he ka wâhmakhmetu nya, haingö Iehova.

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany: