Jeremia 12:5 - Iaai Bible 1901 (New Caledonia)

⁵ U je ne hia but tha wadring me tavat adre me he hon kânâ, ke u sënyin dut unyidra, u me he ka kâmâu ka ûö wadring me ta je hors? ke u je ne laba khötkic hnyi hnyeiny ûsoköu, ieû u me he ka ânyâ hnyi hmanenanginy Joridano?

Jeremia 12:5 ပူးပေါင်းရင်းမြစ်များ

I. Man Ûlabainy Je Than. 12:15

Ke wale hnyat ödrin e he hanyâûâ Joridano hnyi tehi a bân, kʼ ame bahihingölö je baten wagewe hia; kʼ ödrin e hnu aten je hnyigöulen bucen hia e deiö me jio.

Salamo 42:7

Ame hongot ke dok ae dit ka ke dok ae dit hnen hwan ânyâm je boûdet: A hia but khutukhaûö nya ânyâm ta je waköiö me ânyâm je wabulu.

Ta je Vejec 24:10

U ka sënyin hnyi bonginy vec, E ûhnûkong bi tang hewegiâm.

Ta je Vejec 3:11

Nokuk lö, ca hûkotiâ bi je hna nö u ga Iehova; Ke u ma ca sënyin e ka fuc:

Jeremia 11:21

Anyin a wale, walang hna ha hnö Iehova ge aten Anathoth, tavat adre me elâm he ka hlingö u, ka habe, U me ca he ka perofeta hnyi iö Iehova, wâ u nye mok ut gahmun:

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 36:26

Ke haba than ame hûna kö Jeramela nokon than, me Seraia nöku Azeriela, me Selemia nöku Abedela he ka hum Baruka at sihnalimen me Jeremia perofeta: ke haba Iehova ame ikhölʼ ödru.

Jeremia 49:19

Wâ bi, e ame he ka ölö helâ me liona ûnyi hnyi hmanenanginy Joridano ka hnyi taun ae hwege, ke oge me he ka ie okecâ e ûheny e; ke haba at adre me ûca, oge me he ka otilâ e hon: anyin a ie at ae ûcû mönya? ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Josua 3:15

ke ödrin ka o hnyi Joridano tavat ödrin e vadren tang, ke ka kâlâ baten köiö hnen li can tavat bihut, hnyat ödrin e vadren tang, (ke Joridano ame öliâ je baten hia hnyi ûen menu hia,)

I. Peteru 4:12

Je oûnykûminy lö, ca he öbun ka lâiâ ge ûcûbic helâ me meic unyibun ame o he ka cubic öbun, helâke me ûnyi ae teb ûnyi ame o köbun: