Jeremia 12:3 - Iaai Bible 1901 (New Caledonia)

³ Ke haba u Iehova lö, u je wâhmakhmetu nya: u je ö nya, me cubec hnyekuk gam: lili ödra but helâ me je mamoe hnân he ka hlingâ, me penapenʼ ödra hobi kâu bong he ka hlingâ hnyin.

Jeremia 12:3 ပူးပေါင်းရင်းမြစ်များ

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Jobu 23:10

Ke so bi e ame wâ dek gethen; E ka hia but cubic nya me oge me he ka o helâ me gol.

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Salamo 139:23

Khong lö, elölöm nya thö, me wâ thö hnyekuk: Cubic nya ju, me wâ thö je ûnykûmenök:

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Salamo 26:1

IEHOVA lö, owiso nya thö, anyin a oge hia but vheno anyik wisa: Ke oge hia but labageju kö Iehova, me ca bwebwet.

Salamo 7:9

E na hu obiny ju monu anyin tavat ae kong, ke otethmâ ju at ae wisa: Anyin a Khong at ae wisa ame elâm ta je hnyok me ta je ûnykûme.

Jeremia 15:15

Iehova lö, u je wâ but: ûnykûmi nya ju, me senö nya, me bi hwaban ka tavat cak, ka tavat adre me sedö nya, ca hom digic nya hnyi hnâm hna ling vec ae beûhmâ: khanö u thö a adre hia but haikongu nya can iâm.

Jeremia 17:16

Ke haba inya oge me ca ie ngâ he ka at tuö mamoe hotom; ke haba khaca, oge me ca hia but weny bonginy vec; e khanö u; e hnyi hnyimâkâm hofuc ame he but ûnyi hnyi li esongodik.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 20:12

Iehova tuhan sabaoth lö, at ame cubec tavat ae wisa at ame wâhmakhmeto je hna ûnykûme me je hnyok, e so oge me he ka wâ hnâm hna bi hwaban kodra; anyin oge hia but omanenâ köu hok hofuc.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 50:27

Hlingâ but haleny je bolok hia; e so adre me he ka hnyi hna hlingâ: ekölö gadra! anyin ame o but bongudra bong, ûen senâ e.

Jeremia 51:4

Ke adre me he ka ta a ta je hna kot hnyi hnyei Kaledaia, me je hna dâoâ hnyi je getheniny.

Ioane 21:17

E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Iakobo 5:5

Öbun e hia but laba sot eang hmeledrany me ânyâ webun; öbun e hia but hat je hnyekubun hnyi bong ûhlingö.

II. Peteru 2:12

Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,