Jeremia 12:2 - Iaai Bible 1901 (New Caledonia)

² U je hia but te ödra, eke, e hu iwân gadra; adre me kû, eke, adre me wa wan; u hakekeny hnyi je hnyimödra, ke sâkâû hnyi je ûnykûmenödra.

Jeremia 12:2 ပူးပေါင်းရင်းမြစ်များ

Jobu 24:12

Tavat adre me mâng hnyi taun ae gan, Ke tavat ae aat adre me tenge: Ke Khong ame ca haiwisa a e monu bi.

Jobu 5:3

Oge hia but wâ at ae monu kʼ ame bi hweciny: Ke oge me ie hangâ hnyaban.

Salamo 37:35

Oge me hia but wâ at ae kong hnyi maniny man ae gan, Kʼ ame okhulelauâ helâ me ûö ae hât hnyi kânân kânâ.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Hosea 7:14

Ke ame ca hia but tenge je hnyekudra könya, ke adre me kuku tenge bi hon hnödra je hna mokut: adre me ûkhacaköu ge hwit me waina, kʼ adre me ûkhin fuc mönya.

Habakuka 1:13

E kalaöt hmonyin li emâkâm, me u je ca bewâ hulö, ke u je höcö wâ hwakecin ae hwali, anyin a ieû u je wâ tavat iyawö, me laba hnyibû hnyi ûen ame he at ae kong ka utâ at ae wisa hon e bi;

Mataio 15:8

Haba tavat ang, adre me oganö nya ge je esongodidra; Ke haba je hnyekudra, me ûsâkâûö mönya.

Mareko 7:6

Me e ame ha ködrin, ka habe, E so hna perofeta hnö Isaia gabun hnyat thoi hnyok, ka habe, Haba tavat ang adre me oganö nya ge je esongodidra, Ke ûsâkâûö mönya je hnyekudra.

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.