Jeremia 12:13 - Iaai Bible 1901 (New Caledonia)

¹³ Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 12:13 ပူးပေါင်းရင်းမြစ်များ

Salamo 78:62

E ame hna but minya lakeiny ka hnyi hele vat; Ke e ame hmonyin ka jekhon.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 4:26

Oge me wâ, ke wâ bi, a hnyotö ta hnyei ae so, ke adre me hagutâ but je tauniny hia hnyi hnyimakö Iehova, hnyi hnyimakan anyin hmonyin ae kahwa.

Jeremia 9:5

Ke adre me he ka ve iyawâ je lahanödra, me ca ha bi hnathu; adre hia but nâ je bohmödra he ka fuc thoi; adre sënyin dut anyin ânyâ hwakecin ae kong.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Levitiko 26:16

me oge me he bi nya ka ânyâ köbun eang; oge me he ka kunâ köbun ot, me delâ, me kahwa unyin, me me dit je emaköbun, me aû but unyibun; kʼ ame he ka ûnyi baû hnöbun hna cekön, anyin ame he ka han e hnen je iwahnaihmiony möbun.

Levitiko 26:20

ke ame he ka ba troban hwegiö-bun; anyin ame ca he kânâ ka okûâ jeûiny, kʼ ame ca he ka wa ta je ûöiny hnyei.

Mika 6:15

U me he ka tä, ke u me ca he bi ka menu: u me he ka ututo je elaio, ke u me ca he ka sûâ wakacoiny; ke wan vine, ke u me ca he ka ic wainainy.

Habakuka 2:13

Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû?

Hagai 1:6

Öbun e hia but ti belök, ke ûhnyûkong bi hna hom; öbun e han, ke ca sekubun bi; öbun e ic, ke beic bala bi; öbun e khaû, ke ba at ame mage bi; ke haba at ame huliwa ge hwaban, me ame hom hwaban he ka hitangen hnyi tang ae moku.

Hagai 1:9

Öbun e gejon ûnyi ae gan, ke wâ bi, e ûhnyûkong; ke öbun e hom e ka hnyi hnyaba, me oge me tûâ e. Geû? haingö Iehova tuhan sabaoth. Can umök uma ae hnyot dö, ke öbun bi, öbun e ve wadring ka hnyi umöbun je uma.

Roma 6:21

Ke ieû wan ae bu köbun ehac hnyi ta je ûnyi öbun e hmehman walang ang? anyin a haba obiny ta je ûnyi eling, me mok.

Deuteronomi 28:38

E gan hmâ je hatong u me he ka hom ka hnyi em hnyei, ke ûhnyûkong bi u me he ka ip; anyin ame he ka han hnen ta je wahamon.