Jeremia 12:12 - Iaai Bible 1901 (New Caledonia)

¹² Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 12:12 ပူးပေါင်းရင်းမြစ်များ

Isaia 34:6

A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.

Isaia 57:21

Haingen Khonguk, ka habe, E ba hnahic anyin tavat ae kong.

Jeremia 15:2

Ke adre me ne he ka ha köu, ka habe, Ohmun a he kâ? u me he ka ha kodra, ka habe, Walang hna ha hnö Iehova, ka habe, Haba at hobi kâu mok, me ame ka he bi ka hnyi mok; ke haba at hobi kâu hele vat, me ame ka he bi ka hnyi hele vat; ke haba at hobi kâu hmiâ, me ame ka he bi ka hnyi hmiâ; ke haba at hobi kâu bâ, me ame ka he bi ka bâ.

Jeremia 16:5

Anyin a walang hna ha hnö Iehova, ka habe, Ca didro ka hnyi uma tenge, ka ca he bi ka hnyi tenge thungaû, ke ca mâng gadra; anyin oge hia but hom anyik hnahicʼ ûnyi ge hnyei ang, wale ibetengiö me betenge vec, haingö Iehova.

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 3:2

Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Jeremia 3:21

Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Jeremia 30:5

Anyin a walang hna ha hnö Iehova, ka habe, Ate hia but löng hwan öbubuny me ot, ke ca hnahic bi.

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Jeremia 4:27

Anyin a walang hna ha hnö Iehova, ka habe, Ame he ka ba wan hnyei hia; ke so bi, oge me ca he ka kot hia.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Jeremia 47:6

Hele vat anyi Iehova lö, ie ûen u me he ka laba so? didro hnyi tangâm, menâ ju, ke ca bwebwet bi.

Jeremia 48:2

E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

Jeremia 8:15

Ate me halubahingen hnahic, ke ba bi so, ke ate me halubahingen ûen metu, ke wâ bi, hlohlo bi!

Je tenge anyi Jeremi 3:17

Ke u je hia but öûsâkâûö nya me hna hic; oge hnying ut senyin.

Ezekiela 14:17

Ke oge ne oâ hele vat ka hnyei eling, me ha, ka habe, Hele vat lö, vheno thö hnyei; ke inya oge me subâ degecâ ûnyi hnyin e at me omeno;

Ezekiela 21:28

Ke haba u, nokon at lö, perofeta thö me ha, ka habe, Walang hna ha hnen Than Iehova ge je laku Amona, me hna haikongu ödra; ke u me he ka ha, ka habe, Hele vat, hele vat adre oc, adre khet me me ûhlingö, me me an, me me helâ me hucuce.

Ezekiela 21:4

Anyin a oge me he ka subâ degecâ gam at ae wisa me at ae kong, anyin a wale ame he ka he but anyik hele vat ûnyi hnyi tangen ûcon tavat hia thithö hwân hnyi hwaiöu ke ne o but ka hnyi hwadro:

Ezekiela 21:8

Ke ame o but könya hofuc ho Iehova ame ha, ka habe,

Ezekiela 21:9

Nokon at lö, perofeta thö, me ha, ka habe, Walang hna ha hnö Iehova, ka habe, Ha thö, ka habe, Hele vat, hele vat, a so but hwan, adre khet:

Ezekiela 5:2

Haba ke keihen a kuniny, u me he ka thong ge meic hnyi wanben taun, e ka um dö je bonginy thelöng; ke u me he ka hom ke hanen a kuniny me kokot tilâ ge hele vat; ke haba ke hanen bi a kuniny, me u ma khûâ ka hnyi ang, ke oge me he bi nya ka oc hele vat he ka hnu hoton.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Amosa 9:4

eja ke ne adre ne bâ ge je iwahnaihmiony mödra, oge me he ka kunâ hele vat he ka hlingʼ ödra eling: ke oge me he ka wâ hmʼ ödra, mʼ adre me kong ut, ke ca so bi.

Zefania 2:12

Ke haba öbun, at Aithiop lö, me adre me he ka hlingʼ öbun ge anyik hele vat.

Deuteronomi 32:42

Oge me he ka habelen anyik je fana ge dra me me monu, Kʼ ame he anyik hele vat ka han utiö: Me dren tavat adre hlingâ, me je bâ, Hwân ge ban je taben iwahnaihmiony.

Hna Omanenâ 6:4

Me ame o but ke hors ae dra: ke adre me ham ka at ame tabâ he ka hom ûsaköu ûnyi eang hmeledrany, mʼ adre me he ka ûhlingödra köu ödra: kʼ adre me ham kâu hele vat ae gan.