Jeremia 12:11 - Iaai Bible 1901 (New Caledonia)

¹¹ Adre hia but öba wan e; e ame tenge könya ke ba but wan; adre öba wan hnyei hia, anyin ae ba at ame ûnykûme eû hnyi hnyekon.

Jeremia 12:11 ပူးပေါင်းရင်းမြစ်များ

At Khet 7:2

E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

Isaia 42:25

Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.

Isaia 57:1

AME hia at ae wisa, ke ba at a ûnykûme e hnyi hnyekon; ke adre me hom tavat ae wisa, ke ba at ame ûnykûme a gʼ adre hom at ae wisa ge monu ame he ka o.

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Jeremia 14:2

Juda ame tenge, ke je homagouleny ame hlöuhlöu, adre me laba, ke hlit bi hon kânâ; ke ame o thö hwan tenge hnyi Jerusalema.

Jeremia 19:8

Ke oge me he ka wia taun ang hnân kuko me jû; ame he tavat adre me gethen hnyin ka lâiâ me jû, can ta je mok hnyin.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Jeremia 4:27

Anyin a walang hna ha hnö Iehova, ka habe, Ame he ka ba wan hnyei hia; ke so bi, oge me ca he ka kot hia.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Jeremia 6:8

Jerusalema lö, kap ju hna ûnö, wâ e nye hwio hnyekuk gam; wâ oge nye he ka öba wânâm, me u me hnyei adre me ca labā.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Jeremia 9:9

Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

Joela 1:10

E ba but wan ta hnyei, ame tenge kânâ; anyin ae ba but hwit, a hme thö waina ae teb ûnyi, ke ba wakaco.

Levitiko 26:32

Ke oge me he ka obâ aten ibun hnyei: kʼ ame he je iwahnaihmiony möbun tavat adre me laba hnyin he ka uthmâhmâ gan.

Zakaria 7:5

Ha thö ka aten hia hnyei, me ka tavat bihut, ka habe, Haba hnyi je ûen öbun e ânyâ ca han me tenge thungaû hnyi tehi a faiviny me tehi a seveniny, hnyi je huna a sevente, hawa, öbun e ânyâ ca han könya?

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Roma 8:22

Anyin ae khanʼ öta a gʼ ame mâng me vec hmeledrany hia ke ne o but hnyi bong ang.