Jeremia 12:1 - Iaai Bible 1901 (New Caledonia)

¹ IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Jeremia 12:1 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Jobu 12:6

Ame mokut so je uma mano umen tavat venöu, Adre me laba hmâ, tavat adre me ohmönyinâ Khong; He haba Khong ame ham gânâ ka hnyi je hnyamödra.

Jobu 13:3

Iny na he ju ka fuc ka Ataekhanahia, Iny bewek he ka ûhnenamö me Khong.

Jobu 24:12

Tavat adre me mâng hnyi taun ae gan, Ke tavat ae aat adre me tenge: Ke Khong ame ca haiwisa a e monu bi.

Jobu 24:23

Khong ame hna ködrin he ka laba hna hic, me me cidrin ling; Ke e bi li emakan hon dedrin je gethen.

Jobu 8:17

A dit ut je wân hnyin hna digic thatûnyi, E ame wâ dok ae hu veto hnyin.

Salamo 116:5

E betenge me wisa Iehova; Eke, at ame betenge baû Khonguta.

Salamo 119:137

Iehova lö, u wisa, Ke wisa minya hnâm ta je hna owisa.

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 145:17

E wisa Iehova hnyi deny ta je gethen hia, Kʼ ame betenge hnyi anyin ta je huliwa hia.

Salamo 37:1

UMA ca vec bi ge tavat adre me ânyâ ûnyi ae kong, Ke u me ca he ka huhnyinyâ tavat adre me ânyâ ûnyi ae ca wisa.

Salamo 37:35

Oge me hia but wâ at ae kong hnyi maniny man ae gan, Kʼ ame okhulelauâ helâ me ûö ae hât hnyi kânân kânâ.

Salamo 51:4

Oge hia but monu köu, köu thibi, Me ânyâ ûnyi ae kong hnyi hnyimâkâm, Mʼu me he ka wisa u ka ha, Ke so hnyi hnâm hna owisa.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Salamo 92:7

E ka kû thö helâ me hnaonying tavat ae kong, Ke hu sot ge tavat hia adre me ânyâ hulo; Me haba obiny kodra a gʼ adre me he ka ohiʼ odra balua.

Ta je Vejec 1:32

Anyin adre me he ka hlingʼ ödra hnen ihwiöiny tavat ae ba hnyekudra bi, Ke ame he ka hiʼ ödra hnen sot anyin tavat ae monu.

At Khet 8:14

E hu thatûnyi adre me ânyâ eang hmeledrany; a gʼ ame aat ka tavat ae wisa helâ me hna ânyâ ka tavat ae kong: ke haba khaca, ame aat ka tavat ae kong helâ me hna ânyâ ka tavat ae wisa: haingök, Wale ke thatûnyi.

Isaia 41:21

Ho jem hnobun hna ivino, ame ha Iehova; omanenâ thö hobun ta je hofuc ae hwege, ame ha Tuhö Jekob.

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Jeremia 11:20

Ke Iehova tuhan sabaoth lö, at ame owisa wia, at ame cubec je ûnykûme me hnyok, e so oge me wâ hna bi hwaban kodra gam: anyin oge hia but omanenâ hok hofuc köu.

Jeremia 12:6

Anyin a hia but iyawo u hnen je liamekeiny möu, ke hnen minya lap anyin kâmâm; ke adre me hao u hwegiö u: eja ke ne adre ne ha so köu, ca kop ödra bi.

Jeremia 3:20

E hnathu, öbun e hia but ânyâ hwakecin ae iyawo könya lap anyi Isaraela, helâ me momo ame degec âiân ge hwakecin iyawo, haingö Iehova.

Jeremia 3:7

Ke oge me ha hwaban hnen hna ânyâ ta je ûnyi eling, ka habe, E ame he ka hmetu könya; ke e ame ca hmetu: ke a wâ but ûnyi e hnen liamekeiny më, jia Juda at iyawo.

Jeremia 32:16

Ke iny ka hia but ham tusiny ûcû kö Baruka nöku Neria, me oge me hic kö Iehova, me ha, ka habe,

Jeremia 5:11

Anyin a hia but lap anyi Isaraela, me lap anyi Juda ânyâ hwakecin ae iyawo könya, haingö Iehova.

Jeremia 9:2

E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Je tenge anyi Jeremi 1:18

E wisa Iehova; ke oge hia but thu anyin je hnanyibu: Je hnyei hia lö, öbun na long ju, me wâ anyik hlöuhlöu: Adre hom hwenbâ anyik je wahlu me wahidröu.

Ezekiela 18:25

Ke so bi, öbun e ha, ka habe, E ca ûcû hna ânyâ hnen Than. Lap anyi Isaraela lö, long ju walang ang: Hawa e ca ûcû hwakecik? hawa e ca hwali bi hwakecibun?

Daniela 9:14

Anyin a wale, a hia but Iehova hmâkâ ûnyi ae kong, me ohwâdâ kohmun: anyin ae wisa Iehova Khonguhmun hnyi anyin ta je huliwa hia e ame ânyâ, kʼ öhmun e ca hia but löng ifucin

Daniela 9:7

Than lö, e unyâm wisa, ke e unyihmun hmehma, helâ me hnyi bong ang; wale a at Juda, ke at Jerusalema, ke at Isaraela hia, a tavat hakekeny ke sâkâu, hnyi je hnyei hia waleji u je obʼ ödra ka hnyin, can hnödra hna hanyâûâ waleji adre hanyâûâ gam.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.