Jeremia 11:4 - Iaai Bible 1901 (New Caledonia)

⁴ waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Jeremia 11:4 ပူးပေါင်းရင်းမြစ်များ

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

I. Je Than 8:51

anyin a lakem me em hnyei ödrin, waleji u je hom ûheny Aigupito, ûnyi hnyi meic hnân leû fao:

II. Je Than 18:6

Anyin a e ame kece hmâ kö Iehova, kʼ ame ca saû but gan, ke e ame tuö anyin ta je hnanyibu, waleji a hûna Iehova kö Mose.

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Isaia 30:6

Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

Isaia 48:10

Wâ bi, oge hia but cubic u, ke ca helâ me sileva; oge ûco u hnyi hna meicin seda.

Jeremia 11:7

Anyin oge ha hwegiâ ka lakamöbun hnyi bong oge hum ödra hnyin ûnyi hnyi hnyei Aigupito, ke ne o but hnyi bong ang, me vesâkong me ha hwegiâ, ka habe, Löng ju ifucik.

Jeremia 24:7

Ke oge me he ka ham kodra hnyok he ka wâhmakhmetu nya, a inya Iehova: ke adre me he ka bi lakeik, ke oge me he ka Khongudrin, anyin adre me he ka hmetu könya ge hnyok ae bekhot.

Jeremia 26:13

Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.

Jeremia 30:22

Ke öbun e he ka lakeik, ke oge me he ka Khongubun.

Jeremia 32:28

Anyin a wale, walang hna ha hnö Iehova, ka habe, Wâ bi, oge me he ka ham taun ang ka hnyi hnyamen at Kaledaia me hnyamö Nebukaneza than Babulona, me e ame he ka hûgûnâ e:

Jeremia 38:20

Ke haingö Jeremia, ka habe, Adre me ca he ka hnö u. Ö u löng ju walang ang hofuc ho Iehova, wale oge me ha köu, me me he ka hu so gam, ke u me he minya, ka mot.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Ezekiela 14:11

me me ca he monu hmetu gak lap anyi Isaraela, me oikiki ödra hmetu bi hnyi hnödra je hna hanyâûâ; ke so bi, mʼ adre me he ka lakeik, me oge me he bi nya ka Khongudrin haingen Than Iehova.

Ezekiela 36:28

Me öbun e he ka laba hnyi hnyei waleji oge me ham ka lakamöbun; ke öbun e he ka lakeik, ke oge me he ka Khongubun.

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Ezekiela 37:27

Me ame he ka laba unyidra umök uma mano; ke oge me he ka Khongudrin, kʼ adre me he ka lakeik.

Daniela 3:26

Me haba Nebukaneza ame hakekeny ka hnyi hnyimen thop ae möt hnyin meic, me ha, ka habe, E, Saderaka, me Mesaka, me Abedenego, je athnyabainy Khong ae Beönua, ai öbun, kâ âng. Me ame didrut Saderaka, me Mesaka, me Abedenego ûnyi hnyi hnyin meic.

Levitiko 26:12

Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Levitiko 26:3

Öbun ka he ka vheno hnok je hna otilâ, me tuö anyik je hnanyibu, me ânyâ;

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Zakaria 6:15

Ke ame he tavat ûhedra sâkâû ka o me op uma umo Iehova, me öbun e he ka wâ a ga kunö nya köbun Iehova tuhan sabaoth. Ke ame he ka, aat e, öbun e ne long wia ifuci Iehova Khongubun.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 11:27

wale hnahic, öbun e ne löng hoton je hnanyibu anyi Iehova Khongubun, walang oge me hûna köbun hnyi bong ang;

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 5:6

Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.