Jeremia 11:19 - Iaai Bible 1901 (New Caledonia)

¹⁹ Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 11:19 ပူးပေါင်းရင်းမြစ်များ

Jobu 28:13

E ca khana hwaban e ge tavat; Ke adre me ca wâ e hnyi hnyei iny tavat ae möt.

Salamo 109:13

E so he ka subâ degecâ ta je mâtrâniny; E so he ka kot degecâ iödra hnyi dö a biliny.

Salamo 112:6

Anyin a e ame ca he bala ka bwebwet; Adre me he ka ûnykûme nyiele balua at ae wisa hwakecin.

Salamo 116:9

Oge me he ka he hnyi hnyimakö Iehova Hnyi hnyei iny tavat ae möt.

Salamo 142:5

Iehova lö, oge me tenge köu; Haingök, ka habe, U thibi hnyeutök, Me jekhöûk hnyi hnyei iny tavat ae möt.

Salamo 27:13

Oge me monumonu, oge ne ca gejon he ka wâ so ûnyi ga Iehova Hnyi hnyei iny tavat ae möt.

Salamo 31:13

Anyin oge hia but long hna bifuco hnen tavat ae se, Kʼ adre me öbubuny hnyi je ke keihen hia: Ke adre me tiga tha fakatau nya, Me adre me sihnök he ka ohia anyik möt.

Salamo 35:15

Ke hnyi ûen vec a inya, me adre me senyin me ûkhacaköu: Ame ûkhacaköu hoûmonu könya, ke ca khanö nya; Adre me kiö nya, me ca menâ bi.

Salamo 52:5

Kʼ ame he Khong ka hagutâ degeci u ke ne o but nyiele balua, E ame he ka kot u, me oc degeci u ûnyi hnyi umâm uma mano, Me uk u ûnyi hnyi hnyeiny tavat ae möt [Sela.

Salamo 83:4

Adre hia but ha, ka habe, Ötin e he ka ohiʼ ödra me me ca hnyei hmetu bi; Mʼ adre me ca he hmetu ka ûnykûme iö Isaraela.

Ta je Vejec 10:7

E so he ka ûnykûme ka at ae wisa: Ke ame he ka bobot ien at ae kong.

Ta je Vejec 24:15

At ae kong lö, ca mokulec ecmâkâ hnyaban at ae wisa; Ca ohia hnen hna menâ hnyin.

Ta je Vejec 7:22

Me ame ie he hoton, Helâ me bolok adre me he ka hlingâ, Ke helâ me at ame monu, wale adre ca, mʼ adre me nâ e:

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 38:11

Haingök, Oge me ca he ka ō Ja, wale Ja hnyi hnyei iny tavat ae möt: Oge me ca he hmetu ka wâ at unyin i tavat adre me labā hmeledrany.

Jeremia 1:19

Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Je tenge anyi Jeremi 3:60

U je hia but wâ hia anyidra hmonyin me hnödra je hna ûnykûme hia gak.

Ezekiela 32:24

E bi Elama me aten hia ae se igigilo anyin erkemok: tavat adre hlingʼ ödra, kʼ adre ta ge hele vat, kʼ adre me utut kâû ka hnyi kânâ a gʼ adre ca peritomonâ, waleji tavat adre ot gadra ödra tiga möt, kʼ adre me tha hmehma me tavat adre me utut ka hnyi thop.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Hosea 9:8

Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

Numera 1:14

Ûnyi ga Gada; Eliasafa, nöku Deuela.