Jeremia 11:16 - Iaai Bible 1901 (New Caledonia)

¹⁶ Haba Iehova ame hwenyi iâm, ka habe, Elaio ae hât, ae hmanenang, ke so wan: ke e ame hû meic hon e me gan hmâ hwan hwalung, ke hmetru but je anginy e.

Jeremia 11:16 ပူးပေါင်းရင်းမြစ်များ

Jobu 8:16

E hât, ke tiga ca o bi seûno, Kʼ ame he ka iyâû je vheiny hon hnen hna belökâ.

Salamo 52:8

Ke iny ûcû me elaio ame kû khulelau hnyi uma umen Khong: Oge me labageju ka ihetengiö anyi, Khong nyiele nyiele balua.;

Salamo 80:16

Adre thong degecâ e ge meic, ke adre sö degecâ: A hiʼ ödra but ge hna û ödra hnen hnyimâkâm.

Salamo 80:17

E so e bala bi hnyamâm hon aten a hnyamâm a metâm Hon lakon at waleji u je hat hobi köu bi.

Salamo 83:2

Anyin a wâ ju, a imonumonuny je iwahnaihmiöny möu: Ke haba tavat adre me hûkötiö u adre hia but ogöranyâ je bödra.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Jeremia 2:21

Ke haba u, me oge me tä helâ me vine ame khulelau, hatong ae so: ieû gam u me hwio gak, ke u vine but ae monu me atkanyua?

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Hosea 14:6

Ame he ka gan je angin, ke ame he hmanenanginy ka helâ me elaio, ke bunen ame he ka helâ me Lebanona.

Mataio 3:10

Adre hia but walang ang ip giwa hnyi hwecin ta je ûö: haba ta je ûö hia ame ca wa so, me adre ma sö degecâ me khûâ ka hnyi meic.

Ioane 15:6

A ne ca laba ke at eû hnyi hnyik, adre me he ka degec ut helâ me vheiny, me ame he ka meleca thö; ke adre me ûkhacaköuâ thö, me khûâ ka hnyi meic, me adre me thong degecâ but.

Deuteronomi 28:40

Ame he ka hu halem je ûö elaio hnyi em hnyei hia, ke u me ca be ka sûö u ge wakacoiny; anyin ame he ka kolu wan ke tiga but.

Hna Omanenâ 11:4

Walang li elaio, me li taben lamepa ame tot hnyi hnyimakan Khongon hmeledrany.