Jeremia 10:6 - Iaai Bible 1901 (New Caledonia)

⁶ E ba ju ke at ae ûcû möu Iehova: u gan hmâ, ke gan hmâ iâm hnyi man.

Jeremia 10:6 ပူးပေါင်းရင်းမြစ်များ

II. Samuela 7:22

Anyin a wale u gan Iehova Khong: anyin ae ba at ae ûcû möu, ke ba ju ke Khong, ke hake u thibi, helâ me hnöhmun hna long ge je hnyikönyöhmun.

I. Man Ûlabainy Je Than. 16:25

Anyin ae gan hmâ Iehova, me hnân he ka ti ogânâ: Ke hnân minya outen hon ta je khong hia.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Salamo 145:3

E gan hmâ Iehova, me hnân ti ogânâ; Ke ca hnân elâm ûganiny.

Salamo 147:5

E gan hma Tuhöta, ke ti tren man; Ke ca hnân bi ha hnen hna wâhmakhmeto.

Salamo 35:10

Ame he je jeiok hia ka ha, ka habe, Iehova lö, ie at ae ûcû möu, At ame omelo at ae vec ûnyi ge at ae hwege hon, Eke, me at ae vec me theduoc ûnyi ge at ame söh e.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Salamo 96:4

Anyin ae gan hmâ Iehova, me hnân olungâ göranyai; E bi hnân outen hon ta je khong hia thithö.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 8:10

Ke haingen, ka habe, Bong nyi. Ke ame thu, ka habe, Ame he ka helâ me hnâm hna ha: me me he ka khanö u ae ba ke at ae ûcû me Iehova Khonguhmun.

Esodo 9:14

Anyin a haba hnyi ûen ang oge me he ka kunâ anyik ta je kong hia ka hnyi hnyekom, me hon lathnyabaem, me lakem: me me khanö u ae ba at ae ûcû mönya eang hmelen hia.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 40:18

Awe, öbun e he ka oûco Khong me ia? ke ewa ûhöûcû, mʼ öbun e he ka oûco mē?

Isaia 40:25

Ke öbun e he ka oûcû nya me ia, mʼ oge me he ka tha ûcû mē? ame ha At ae Kap.

Isaia 46:5

Öbun e he ka ûhöûcû nya ke oûcû nya me ia, ke tuluti nya me inye ûcû me ia?

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Jeremia 32:18

at ame omanenâ tang betenge ka ta je dö a thauzan, me bi hwaban hulo anyin je kamen ka hnyi ûlainy ta je lakudra hwabödra: Khong ae gan hmâ me man. Iehova tuhan sabaoth ien:

Daniela 4:3

E ti beönua anyin je haten! ke ti gan hmâ anyin ta je ûnyi hnân lâiâ gan! dokhu ae hmâ nyiele balua dokhon dokhu, ke hwân hnyi ke dö, ke ne o but ka hnyi ke dö anyin musi.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Deuteronomi 32:31

Anyin ae ca tha ûcû anyidra kic me anyita Kic, Kʼ ame he ta je iwahnaihmiony möta ka ohnathoâ.

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.