Jeremia 10:2 - Iaai Bible 1901 (New Caledonia)

² walang hna ha hnö Iehova, ka habe, Ca he öbun ka nâ hwakecin je hnyei, ke ca outen je haten drany; anyin ame outen e hnen ta je hnyei.

Jeremia 10:2 ပူးပေါင်းရင်းမြစ်များ

Genese 1:14

Haba Khong ame ha, ka habe, E so he ka hu ta je melam hnyi bwanginy drany ethö, me me bi hnyigöulen lany me lit; ke haba je ûnyi e me hnân ta je haten, me ta je ûen, me ta je bong, me ta je huna:

Jeremia 10:1

LAP anyi Isaraela lö, long ju hofuc ame ha Iehova köbun:

Ezekiela 20:32

ke haba ûnyi ame o hnyi je hnyekubun ame ca he ka hwâdâ; wale ge hnobun hna ha, ka habe, Ohmun e he ka helâ me je hnyei, helâ me je lap hnyi je hnyei, adre me bi athnyabainy utö me veto.

Levitiko 18:3

Ca he öbun ka ânyâ hoton hwakecin hnyei Aigupito waleji öbun e laba hnyin; ke ca he öbun ka ânyâ hoton hwakecin hnyei Kanana, wale oge me hum öbun ka hnyin: ke ca he öbun ka hnu hoton anyidra je hnanyibu.

Levitiko 20:23

Ke ca he öbun ka he hoton hwakecin je hnyei oge me he ka obâ hnyi hnyimaköbun: anyin a ödra adre me ânyâ ta je ûnyi hia eling, anyin a wale oge me ikiki ödra.

Deuteronomi 18:9

U ka o but ka hnyi hnyei ame ham köu Iehova Khongom, me u me ca he ka nâ he ka ânyâ hoton hwakecin ae ikiki anyin tavat eling.

Owisa 6:10

ke oge me ha köbun, ka habe, Inya Iehova Khongubun; ca he öbun ka outen je khong khongon at Amora, wale hnyei öbun e labā: ke öbun e ca long hok hofuc.