Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.
Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.
Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.
Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.
E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.
Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.