Jeremia 10:13 - Iaai Bible 1901 (New Caledonia)

¹³ e ame fuc kʼ ame bwebwelâ ta je köiö ethö hnyi drany, ke ame öliâ hai ûnyi hnyi can hmeledrany; e ame ânyâ hucuce hobi kâu we, me hom ang ûnyi hnyi tang omjehen.

Jeremia 10:13 ပူးပေါင်းရင်းမြစ်များ

Genese 2:5

Ke tiga ba hnye-uten hnyei hnyi kânâ, ke tiga ca kû thö khölakiny hnyei: anyin a Iehova Khong ame tiga ca ota we ka hnyi hon kânâ, ke tiga ba at he ka belökâ kânâ;

I. Je Than 18:41

Me Elia ame ha kö Ahaba, ka habe, Todrö, han ju me ic; anyin ae hu hwan we ae gan.

Jobu 38:22

U je mwi bi hnyi uma omjehen kiona, Me wâ je omjehen we ae wahma,

Salamo 104:13

E ame hneû je bucen ûnyi hnyi je hnyeuleny ethö: A unöngötö hmeledrany ge wan ânyâm ta je huliwa.

Salamo 135:17

E hu li hnyikönyödra, kʼ adre me ca long bi; Ke ba homenâ hnyi je hnyimödra.

Salamo 135:7

E ame öliâ thö hai ûnyi hnyi je can hmeledrany; E ame bi hucuce hobi kâu we; E ame hom but ang ûnyi hnyi tang omjehen.

Salamo 147:8

At ame tube drany ge ta je ûlâ, Me penapena we hobi kâu hmeledrany, Me okûâ önying hon ta je bucen.

Salamo 18:13

Iehova ame bi hwan than minya hnyi drany, Kʼ ame fuc dö Beönua; We ae wahma me je walepiny meic.

Salamo 68:33

At ame tabâ draniny ta je drany, a ûnyi adrem; Wâ bi, e ame ha hofuc ge hwan ae hwege.

Esodo 9:23

Ke haba Mose ame inâ thö goranyai anyin uci: ke haba Iehova ame kunâ hendreng, me we ae wahma, kʼ ame hingâlâ but meic hon kânâ; ke Iehova ame ota we ae wahma hon hnyei Aigupito.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 19:12

Haingö Iehova, ka habe, Oge me he ka ânyâ helâe ka dok ang, me tavat adre me labā e, me wia taun ang me me helâ me Tofet:

Jeremia 5:24

Ke adre me ca ha eû hnyi je hnyekudra, ka habe, Ate me he walang ang ka outö Iehova Khonguta, at ame ham we, wale a bân, me beliny hnyi ûen e; at ame tuö hobi köta je wikiny menu adre thu.

Jeremia 51:16

e ame fuc me ame bwebwet bi ta je köiö hnyi drany, ke e ame oâ hai ûnyi hnyi je can hmeledrany; e ame op hucuce hobi kâu we, me oâ ang ûnyi hnyi tangen omjeû.

Amosa 4:13

Anyin a wâ bi, haba at ame op je bucen, me mâdrâ ang, me omanenâ ka at ûnykûmenen, at ame wia hnyomakatu me me lit, me vheno je dok ae gorany hnyi hmeledrany; haba ien e, me Iehova Khongon sabaoth.

Zakaria 10:1

SUMATÖ Iehova thö ge we hnyi ûen we a biliny, Iehova at ame mâdrâ je hucuce; me e ame he ka ham we ae gan kodra me me ve hu gadra önyinginy hnyei.