Jeremia 10:12 - Iaai Bible 1901 (New Caledonia)

¹² E thibi at a op kânâ ge maniny man, e ame otilâ hmâ hmeledrany ge anyin metâ, me ulolo drany ge anyin wâhmakhmeto:

Jeremia 10:12 ပူးပေါင်းရင်းမြစ်များ

Genese 1:1

HABA hnyi can Khong ame op drany me hmeledrany.

Genese 2:5

Ke tiga ba hnye-uten hnyei hnyi kânâ, ke tiga ca kû thö khölakiny hnyei: anyin a Iehova Khong ame tiga ca ota we ka hnyi hon kânâ, ke tiga ba at he ka belökâ kânâ;

I. Man Ûlabainy Je Than. 16:26

Anyin a je idola thibi je khongon ta je hnyei: Anyin a Iehova ame op je drany

Jobu 26:7

E ame ulolo ke keihen ka hnyi hwadro hon ba onyen, Me uhno hmeledrany ka hnyi hon ba.

Jobu 37:18

Hawa, e khanö u he ka tha ulolo mē drany, Waleji ae hmâ helâ me uselat bras adre okoiâ?

Jobu 9:8

Hake e ke thibi at ame lau drany, Me uto hon je waköiöiny köiö

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Salamo 119:90

Ke ne o but hnyi ta je dö hia ânyâm hnathu: U je hia but otethmâ hmeledrany, me ame hmâ e.

Salamo 24:2

Anyin a e ame bi taben e hon köiö, Me otilâ hmâ e hon je di.

Salamo 33:6

Adre me op drany ge hofuc ho Iehova; Ke ta je ûnyi hia hnyin ge homenâiny hnyimen.

Salamo 65:7

Wale at ame ohnyibö iūiny je köiö, a iūiny je wabuluiny, Me imonumonuiny ta je hnyei.

Salamo 78:69

Ke e ame op umen uma kap helâ me je dok ae gorany, Helâ me hmeledrany waleji e ame otethmâ nyiele balua.

Salamo 93:1

IEHOVA ame musi; e ame khavâ ge hmanenang; Iehova ame khavâ, e ame oweikâ e ge hwege: Adre otethmâ minya hmeledrany, me ma ca khana he ka bwebwet.

Ta je Vejec 3:19

Iehova ame bi taben hmeledrany hnen metâ; M otilâ drany hnen wâ ûnykûmâ

Ta je Vejec 30:4

Ie at ame ölö hnyi dranyai me ut hmetu but? Ie at ame ûkhöûnâ ang hnyi li hnyamen? Ie at ame lan köiö hnyi ûkhaûen? Ie at ame otilâ hia je can hmeledrany? Ia ien ke ia ien nokon ame ne khanö u?

Isaia 37:16

Iehova tuhan sabaoth lö, Khongu Isaraela, ke at ame laba wanben li kerubi, u thibi Khong, a hake u ke, hnyi ta je dokhu hia eang hmeledrany; u je op drany me hmeledrany.

Isaia 40:22

E at ame laba hon wathelabainy hmeledrany, ke helâ me ta je wahamon tavat adre me labā e; at ame ulolo drany helâ me imano, kʼ ame ulolo e me helâ me uma mano adre me laba hnyin:

Isaia 42:5

Walang hna ha hnö Iehova a Khong, at a op drany, me ulolo e; at a olauâ hmeledrany me ta je ûnyi ame kû hnyin; at a ham homenâ ka tavat hia thithö hon e, ke hanu ka tavat adre me vheno e:

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Isaia 45:18

Anyin a walang hna ha hnö Iehova at a op drany; e thibi Khong; at ame ânyâ hmeledrany me op e; e ame otethmâ e, kʼ ame ca op baûâ e, e ame mâdrâ e me me labā e: haingen, ka habe, Inya Iehova ka ba ju ke at.

Isaia 48:13

Eke, hnen hnyamok hna bi taben hmeledrany, ke hnen hnyamok a metök hna ulolo je drany: oge me hawâ ta je ûnyi e, me adre me tha tot.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Jeremia 10:13

e ame fuc kʼ ame bwebwelâ ta je köiö ethö hnyi drany, ke ame öliâ hai ûnyi hnyi can hmeledrany; e ame ânyâ hucuce hobi kâu we, me hom ang ûnyi hnyi tang omjehen.

Jeremia 10:16

E ca helâe jekhoû Jekob: anyin a e at ame op hia; ke Isaraela tribuiny jekhon: Iehova tuhan sabaoth ien.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Zakaria 12:1

WALANG hok, wale hofuc ho Iehova ge Isaraela.

Ioane 1:3

Adre me op ta je ûnyi hia thithö a deny e; ke ba ûnyi adre hia but op, a gʼ adre ca op gan.

Kolose 1:16

anyin adre op ta je ûnyi hia thithö ûnyi gan, ta je ûnyi ethö hnyi drany me eang hmeledrany, ta je ûnyi ae manen, me ta je ûnyi ae ca manen, me ta je theron, me ta je dokhu, me ta je musi, me ta je man; adre hia but op ta je ûnyi hia thithö ûnyi gan, me hobi kâu;