Jeremia 10:10 - Iaai Bible 1901 (New Caledonia)

¹⁰ Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 10:10 ပူးပေါင်းရင်းမြစ်များ

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

I. Je Than 18:39

Ke ame wâ e hnen tavat, me ödrin e ta hnyikânâi, me ha, ka habe, Iehova, Khong.

I. Je Than 8:60

me me khana ta je hnyei hia thithö eang hmeledrany a Iehova thibi Khong; ke ba minya ju.

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

II. Man Ûlabainy Je Than. 15:3

Ke se hia je bong ae ca hu Khong ae hnathu unyin at Isaraela, ke ba at ûne a at bihut, ke ba hnanyibu:

Jobu 9:6

E ame bwebwelâ hmeledrany ûnyi hnyi hnen, Me ame öbubuny je hmolominy.

Salamo 10:16

Iehova thibi Than nyiele nyiele balua: A hia but je hnyei ûnyi hnyi iny hnyei.

Salamo 100:3

Khanʼ öbun dö a Iehova thibi Khong: E thibi at a up öta, ke öta bi laten; Öta ta je lakeiny, me mamoeiny iny ta hnyei.

Salamo 100:5

Anyin ae so Iehova; e tethmâ balua bi anyin ibetengiö; Me anyin hnathu ke ne o but ta je dö hia thithö.

Salamo 104:32

Haba e at ame bwele ka wâ hmeledrany, me ame bwebwet bi; E ame kâlâ je bucen, me ame sâ thö.

Salamo 114:7

Hmeledrany lö, öbubuny ju hnyi hnyimakan Than, Hnyi hnyimakan Khongu Jekob;

Salamo 145:13

Haba dokhom dokhu, dökhu a nyiele balua, Me ka ta je dö hia thithö ânyâm musi.

Salamo 146:6

Waleji ame op drany me hmeledrany, Me köiö me ta je ûnyi hia thithö hnyin; At ame tuö hnathu nyiele balua:

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 29:10

Iehova ame laba me than hnyi ûen Uoû; Eke, Iehova ame laba a than nyiele balua.

Salamo 31:5

Inya oge me hna hanuk ka hnyi hnyamâm: Iehova lö, Khongon hnathu, u je hia but bi hwaban anyik möt.

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Salamo 68:11

Than ame ha hofuc: E ti se hia je momo adre me khetâ je uthumetu.

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 74:12

Ke Khong thibi Tuhok kâû adrem, At ame huliwan hna ûhomeli hnyi wanben hmeledrany.

Salamo 76:7

U thibi hnân outen, wale a u:! Ke ie at ame he ka tot hnyi hnyimâkâm u ka hmönyin dö?

Salamo 76:8

Ûnyi hnyi drany u je olöngâ hnâm hna owisa; Ame ot bi hmeledrany me ca bwebwet,

Salamo 77:18

E hnyi höu hwan ânyâm than; Je hucuce adre me öumumelamâ hmeledrany: Ke hmeledrany ame öbubuny me bwebwet.

Salamo 84:2

Ame ti weny hanuk, eke, ame mokhon ae behe ka hnyi je hnyeule Iehova; Ame khumöng senyin hnyekuk me vik ka Khong ae möt.

Salamo 9:8

Ke e ame he ka owisa hmeledrany hnyi wisa, E ame he ka owisa soâ tavat.

Salamo 90:11

Ie at ame wâhmakhmetoâ hwegien hmonyin gam, Me ânyâm wathethot, hoton hna outö u hnyi tulut ae ûcû köu?

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Salamo 93:2

E tethmâ ânyâm theron hwân adrem: U ûnyi kâû adrem balua.

Salamo 97:4

Ame umumelam hmeledrany ge anyin ta je hucuce: A wâ but hnen hmeledrany me öbubuny bi.

Isaia 37:17

Iehova lö, tä ju hnyikönyâm me long; Iehova lö, hmak dö me wâ; me long ju hofuc ho Saneribi, wale e ame ûkhûnöng he ka haikongoâ Khong ae möt.

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 40:15

Wâ bi, haba je hnyei me helâ me ûkhulainy baket, kʼ adre me ûnykûmi ödra me helâ me kânâ hnyi ûnyi hnân tulut: wâ bi, e ame kap goranyai je bomene helâ me ûnyi ae ti ûhnyûkong hmonyin.

Isaia 40:28

Hawa, e ca khanö u î u me ca long? a Khong nyiele balua, a Iehova, at a op je can hmeledrany e ame ca mat, me sēnyin; ca hnân bi wâ anyin metâ.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Jeremia 23:36

Ke ca he hmetu öbun ka ha hok ûnyi ga Iehova: anyin a haba ve ifucin tavat wale honödra bi je hok; anyin a öbun e hia but ohavâ hofuc hwan Khong ae mot, Iehova tuhan sabaoth Khonguta.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 4:24

Oge me wâ je bucen, ke wâ bi, adre me öbubuny, ke haba je hut hia adre me jijing.

Jeremia 50:46

Hnyi hwan hna kot Babulona ame öbubuny hme ledrany, ke adre me löng ûtengien hnyi ta je hnyei.

Jeremia 51:29

Ke ame öbubuny hnyei me vec: anyin ame tethmâ je hna ûnykûme hnö Iehova ge Babulona, he ka öba wan hnyei Babulona, ke ba aten.

Daniela 4:3

E ti beönua anyin je haten! ke ti gan hmâ anyin ta je ûnyi hnân lâiâ gan! dokhu ae hmâ nyiele balua dokhon dokhu, ke hwân hnyi ke dö, ke ne o but ka hnyi ke dö anyin musi.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Joela 2:11

ke ame fuc Iehova hnyi hnyimakan anyin utbavat; anyin ae gan hmâ hnen hna hunuma; anyin ae hwege at ame ohwâdâ hwan hofuc: anyin ae gan hmâ bong bongu Iehova me linân outen e; ke ie at ae hwege he ka hokhnyok hnyin e?

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Nahuma 1:5

Ame öbubuny je bucen gan, ke ame köiö but je hut; ke ame khibi goranyai kânâ hnyi hnyimakan, eke, hmeledrany, me tavat adre me labâ e.

Nahuma 1:6

Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Habakuka 3:10

Haba je bucen adre me ô u, me ot; Ame be but hwegeiny di: Ame mea dok ae dit, Me hinôbeny goranyai.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

I. Timoteo 1:17

E so e unyin Than a e balua bi, me möt balua bi, me iyong bi, Khong a khaca thibi, e so e anyin bi, hna ogânâ me hna olungâ nyiele nyiele balua. Amen.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

Heberu 10:31

Hnân outen hmonyin he ka ta ka hnyi li hnyamen Khong ae möt.

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Owisa 5:4

Iehova lö, u me he ûheny Seira, U me he ûheny hnyi utkânâiny Edoma, Me ame öbubuny hmeledrany, kʼ ame ta but drany, Me ta but köiö ûnyi hnyi je ûlâ.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.