Jeremia 10:1 - Iaai Bible 1901 (New Caledonia)

¹ LAP anyi Isaraela lö, long ju hofuc ame ha Iehova köbun:

Jeremia 10:1 ပူးပေါင်းရင်းမြစ်များ

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

Salamo 50:7

Lakeik lö, long ju me inye he ka ha; Isaraela lö, long ju, me oge me he ka ha hnyikongom. Inya thibi Khong, wale Khongom.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 28:14

Anyin a wale long ju hofuc ho Iehova, öbun tavat hlumö at, tavat öbun e muso tavat eang a e hnyi Jerusalema:

Isaia 40:18

Awe, öbun e he ka oûco Khong me ia? ke ewa ûhöûcû, mʼ öbun e he ka oûco mē?

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Jeremia 10:2

walang hna ha hnö Iehova, ka habe, Ca he öbun ka nâ hwakecin je hnyei, ke ca outen je haten drany; anyin ame outen e hnen ta je hnyei.

Jeremia 2:4

Lap anyi Jekob lö, long ju hofuc ho Iehova, me öbun je lap hia hnyi lap anyi Isaraela:

Jeremia 22:2

Than Juda lö, löng ju hofuc ho Iehova, u at ame tabâ theron anyi Davita, u, me je athnyabaem, me lakem, tavat adre me dit hnyi je homagöule ang.

Jeremia 42:15

anyin a wale, löng ju walang ang hofuc ho Iehova öbun je kolon hnyi Juda: walang hna ha hnö Iehova tuhan sabaoth, Khongu Isaraela, ka habe, Öbun e ne ohwegiâ je hnyimaköbun be ka he Aigupito ai, me he me laba atkanyua eling;

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Amosa 7:16

Anyin a wale long ju walang ang hofuc ho Iehova, ka habe, Haingâm, ca perofeta bi ka at Isaraela, ke ca fuc bi ka lap anyi Isaaka;

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

Hna Omanenâ 2:29

Haba at ae hu hnyikonyen, löng ju hna ha hnen Hanu ka ta je ekalesia.