Jeremia 1:9 - Iaai Bible 1901 (New Caledonia)

⁹ Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Jeremia 1:9 ပူးပေါင်းရင်းမြစ်များ

Isaia 49:2

ke e ame ânyâ hnyimök me me helâ me hele vat ae so hwan, e ame ikhöiö nya hnyi hmenon hnyamen; ke e ame wiö nya mʼ inya fana ae hadröngöc, e ame ikholö nya hnyi tangen anyin fana:

Isaia 50:4

Haba Than Iehova ame hia but ham könya bohmen at ûne, me me khanö nya he ka sihwegiâ at ae sēnyin ge hofuc: e ame ûöhmak hnyi je hnyomakatu, e ame ohmâkâ hnyikönyök he ka löng helâ me tavat ûne.

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Jeremia 15:19

Anyin a wale, walang hna ha hnö Iehova, ka habe, U je ne he ka hmetu, me oge me he ka hum u, ke u me he ka tot hnyi hnyimakök: ke u je ne he ka oc ut ûnyi ae ûnyi hnathu ûnyi hnyi ûnyi ae ikiki, u me he ka helâ me hnyimök: adre me he ka hmetu köu, ke u me ca he ka hmetu kodra.

Jeremia 34:6

Me Jeremia perofeta ame ha kö Zedekia than Juda ta je hofuc eling hnyi Jerusalema,

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 5:14

Anyin a wale walang hna ha hnö Iehova Khongon sabaoth, ka habe, Anyin a öbun e ha hofuc e, wâ bi, oge me he ka wia hok hofuc hnyi hnyimâm me me meic bi, ke hnyei ang, me me utö, ke e ame he ka ön ödra.

Ezekiela 3:10

Ke e ame ha könya, ka habe, Nokon at lö, haba hok ta je hofuc hia oge me he ka ha köu, ip ju eû hnyi hnyekom, me long ju ge li hnyikönyâm.

Daniela 10:10

Ke wâ bi, ame kalö nya hnen ke hnyam me oge me icimöng ge li boucak me li hnyamok.

Daniela 10:16

Ke wâ bi, ame kâlâ hnyimök ke at helâ me at: me oge me khong ut hnyimök me fuc, me ha ka at ame tot hnyi hnyimakök, ka habe, Than lö, can hna omanenâ, ame takû nya anyik je hlöuhlöu, ke ba but hwegiök.

Numera 23:5

Ke Iehova ame bi hofuc ka hnyi hnyimö Balaama, me ha, ka habe, Hmetu thö kö Balaka, ke u me he ka ha kâu helâe.

Mataio 10:19

Ke ödrin ka he ka hnʼ öbun dut, ca ûnykûme bi, ka habe, adre me he ka kâmâu hna ha, ke ieû: anyin adre me he ka ham köbun ûnyi hnân he ka ha hnyi ûen eling.

Mareko 7:33

Me e ame lelö thö e ûheny unyin tavat ae se hia, me inâ li banyen ka hnyi li hnyikonyen, me e ame hangöjâ, me kâlâ bohmen;

Luka 12:12

anyin ame he Hanu Kap ka nʼ öbun ge ûnyi hnân he ka ha hnyi ûen eling.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Deuteronomi 18:16

a helâ me wem hia ûnyi ga Iehova Khongom hnyi Horeba, waleji hnyi bong adre ûkhacaköu hnyin, ka habe, Ö iny ca he hmetu ka löng ifuci Iehova Khonguk, me wâ hmetu meic ae gan eling, mʼ inye ca he ka mokcu.

Deuteronomi 18:17

Ke haba Iehova ame ha könya, ka habe, E so hnödrin hna ha.

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.