Jeremia 1:7 - Iaai Bible 1901 (New Caledonia)

⁷ Haba Iehova ame ha könya, ka habe, Ca ha bi, ka habe, Iny wanakat: anyin a u me he ka he kodra hia thithö, wale oge me kunö u ka hnyin, ke u me he ka ha ta je hofuc hia thithö oge me he ka hûna köu.

Jeremia 1:7 ပူးပေါင်းရင်းမြစ်များ

I. Je Than 22:14

Ke haingö Mikaia, ka habe, Kia inya Iehova, a haba ûnyi ame he Iehova ka ha, wale thibi e oge me he ka ha.

I. Je Than 3:7

Ke haba walang ang, Iehova lö a Khonguk, u je otilö nya athnyabaem he ka than hwabö cica Davita: ke iny wanakat ae ûhnyûkong; ke ca khanö nya bongon he ka didrut me didro.

II. Man Ûlabainy Je Than. 18:13

Me haingö Mikaia, ka habe, Kia inya Iehova, ke haba hofuc ame he Khonguk ka ha, me oge me he bi nya ka ha.

Esodo 6:29

me haingö Iehova kö Mose, ka habe, Inya Iehova: bethe ha kö Farao than Aigupito je hofuc hia thithö oge me haköu.

Jeremia 26:2

Walang hna ha hnö Iehova, ka habe, He thö ka tot hnyi hnyeuleny uma umö Iehova, me ha ka ta je tauniny Juda hia, tavat adre me o he ka hnyi khudrung hnyi uma umö Iehova, ta je hofuc hia thithö wale oge hûna he ka ha kodra; ca ikhâlâ bi ke hofuc.

Jeremia 43:1

KE a um dö Jeremia ha ka tavat hia thithö ta je hofuc ho Iehova Khongudrin, waleji a kunâ më kodra Iehova Khongudrin, wale ta je hofuc hia eling,

Jeremia 7:27

Ke u me he ka ha hia ta je hofuc ang kodra: ke adre me ca he ka ling u: u me he ka hawʼ ödra ke adre me ca he ka ieû köu.

Ezekiela 2:7

Ke u ma he ka ha kodra hok ta je hofuc, kʼ adre me ne he ka long, kʼ ame ne ba: anyin a ödra tavat ûkhiny fuc hmonyin.

Ezekiela 3:27

Ke iny ka he ka fuc köu, me oge me he ka khong hnyimâm, ke u me he bi ka ha kodra, ka habe, Walang hna ha hnen Than Iehova, ka habe, Haba at ame long, long ju; ke haba at ae höcö, höcö ju: anyin a ödra lap ûkhin fuc.

Amosa 7:15

ke Iehova ame hum nya ûnyi hnyi hoton hnahat meno, ke Iehova ame ha könya, ka habe, He thö, me perofeta ka lakeik a at Isaraela.

Jona 3:2

Todrö me he Neneve ai, a taun ae gan, me khetâ ka hnyin, hnok hna hûna köu he ka khetâ.

Numera 22:20

Ke haba Khong ame o but kö Balaama hnyi hnyinghet, me ha kâu, ka habe, Ame ne o tavat ka hawo u, me todrö, me tha he mödrin: ke so bi, haba thibi ûnyi oge me he ka ha köu, me wale ûnyi u ma he ka ânyâ.

Numera 22:38

Ke Balaama ame thu kö Balaka, ka habe, Wâ bi oge o but köu: hawa, ekhanö nya he ka ha ke hofuc? ke haba hofuc ame he Khong ka ip hnyi hnyimök, me oge me he ka ha eling.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ta je huliwa 20:27

Anyin oge me ca höcö omanenâ köbun ûnykûmânen hia Khong.