Jeremia 1:19 - Iaai Bible 1901 (New Caledonia)

¹⁹ Ke adre me he ka vat möu; ke adre me ca he ka hwege hom; anyin a tha inya möu he ka omeli u, haingö Iehova.

Jeremia 1:19 ပူးပေါင်းရင်းမြစ်များ

Salamo 129:2

Adre hia but osehia oveci nya hwân kʼ iny tiga hidröu; Kʼ ödra ca hwege bi huk.

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Jeremia 1:8

Ca he bi ka ot gadra: anyin a tha inya möu be ka omeli u, haingö Iehova.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 11:21

Anyin a wale, walang hna ha hnö Iehova ge aten Anathoth, tavat adre me elâm he ka hlingö u, ka habe, U me ca he ka perofeta hnyi iö Iehova, wâ u nye mok ut gahmun:

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 2:1

KE ame o but könya hofuc ho Iehova, ame ha, ka habe,

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 39:17

Ke haingö Iehova, ka habe, Oge me he ka omeli u hnyi bong eling; ke adre me ca he ka hnö u ka hnyi hnyamen tavat waleji u je outen.

Jeremia 42:11

Ca he öbun ka outen than Babulona, wale at öbun e outen; haingö Iehova, ca he ka outen e, anyin a tha inya but möbun he ka omeli öbun, me hûgûnʼ öbun ûnyi hnyi hnyamen.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Daniela 3:25

Me e ame thu me ha, ka habe, Wâ bi, oge me wâ hnyat a ödrin vak kʼ adre thang bi, ödrin e ngenu hnyin meic, kʼ ödrin e ca kong bi; ke haba unyin at a vakiny, me helâ me unyin ke khong.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Ta je huliwa 26:17

me hûgûnö u unyin tavat, me Aten ta je hnyei, wale oge me kunö u ka hnyin walang ang,

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.