Jeremia 1:17 - Iaai Bible 1901 (New Caledonia)

¹⁷ Anyin a wale, u me ke ka hûkâlâ wen hnyekom, ke todrö, me ha kodra ta je ûnyi hia thithö oge me hûna köu: ca hlohlo gadra, wâ oge nye he ka ohlohloi u hnyi hnyimakodra.

Jeremia 1:17 ပူးပေါင်းရင်းမြစ်များ

I. Je Than 18:46

Ke e unyi Elia hnyamen Khong; me e ame oweikâ hnyekon, me wâdring hnyi hnyimakö Ahaba ke ne o but hnyi homagouleny Jezerela.

II. Je Than 1:15

Haba angela anyi Iehova ame ha kö Elia, ka habe, Tha utut mē; ca outen e. Me e ame tot me tha utut mē ka than.

II. Je Than 4:29

Me e ame ha kö Gehazi, ka habe, Hûkâlâ ju wen hnyekom, me hom anyik uci hnyi hnyamâm, me he: ame ne ûkhanö möu ke at, ca iouny mē; ke ame ne fuc köu ke at, ca fuc bi: ke u me he ka ip anyik uci hon hnyimakan wanakat.

II. Je Than 9:1

KE haba Elisaia perofeta ame hawâ ke at hanen lakon je perofeta me ha kâu, ka habe, Hûkâlâ ju wen hnyâm, ke hom tap wakaco eang hnyi hnyâmâm, me he Ramothi-Gileada ai.

Jobu 38:3

Hûkâlâ ju walang ang wen hnyekom me bi baga ju; Anyin a oge me he ka hnei u, ke u ma omanenâ könya.

Esodo 3:12

Ke ame ha, ka habe, Inya oge me he ka tha e möu; ke walang haten köu hnyi hnök hna kunö u, ka habe, U ka um dö hom tavat ûnyi hnyi Aigupito, öbun e he ka bi athnyabainy Khong hnyi hon bucen eang.

Esodo 7:2

U ma he ka ha hia hnök hna hûna köu: kʼ ame he Arona a tuham ka fuc kö Farao, me me he ka hna lakon Isaraela ûnyi hnyi iny hnyei.

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Jeremia 17:18

E so e hmehma tavat adre mo sedö nya, ke ca hnö nya bi he ka hmehma: e so ödra hlohlo, ke ca hnö nya bi he ka hlohlo: oâ ju kodra bong ae kong, ke ohiʼ ödra but, me olo ohia.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Jeremia 26:12

Me Jeremia ame ha ka ta je taben hia, me tavat hia, ka habe, Iehova ame kunö nya he ka perofeta ûnyi ae kong ka uma eang me taun eang a ta je hofuc waleji öbun e long.

Jeremia 26:2

Walang hna ha hnö Iehova, ka habe, He thö ka tot hnyi hnyeuleny uma umö Iehova, me ha ka ta je tauniny Juda hia, tavat adre me o he ka hnyi khudrung hnyi uma umö Iehova, ta je hofuc hia thithö wale oge hûna he ka ha kodra; ca ikhâlâ bi ke hofuc.

Jeremia 36:8

Ke haba Baruka nöku Neria ame ânyâ hia helâ me hna hûna kâu ga Jeremia perofeta, me e ame aû tusi wale ta je hofuc ho Iehova hnyi uma umö Iehova.

Je tenge anyi Jeremi 3:57

U je hakekenyâ hnyi bong oge me hao u hnyin: u je ha, ka habe, Ca ot bi,

Jona 3:2

Todrö me he Neneve ai, a taun ae gan, me khetâ ka hnyin, hnok hna hûna köu he ka khetâ.

Luka 12:35

Hûkâlâ ju wen je hnyekubun, ke so e umumelam anyibun je lamepa;

Ta je huliwa 20:20

ke oge me ca ikhâlâ ke ûnyi ae ûnyi hnathu, ke oge me omanenâ köbun, me nʼ öbun hnyi hnyimakan tavat, me hnyi ke uma me ke uma,

Ta je huliwa 20:27

Anyin oge me ca höcö omanenâ köbun ûnykûmânen hia Khong.

I. Korinito 9:16

Anyin oge ne khetâ ûthumetu ae so, e ba hnân ohobeluâ; anyin adre musi nya; anyin ekolö gak iny ka ca khetâ but ûthumetu ae so.

I. Thesalonika 2:2

ke adre hodra ka oveci öhmun me okongu öhmun hnyi Filipi, wale ae khanʼ öbun, ke Öhmun e hnyok hwege ûnyi ge Khong he ka ha köbun ûthumetu ae so anyin Khong me vec ae gan hmâ.

I. Peteru 1:13

Anyin a wale, hûkâlâ ju wen je hnyekubun, me hmâkâ thö, me ti geju ke ne o but ka hnyi ibetengiö baû wale adre me he ka oâ köbun e ka manen dut Iesu Keriso;