Jeremia 1:15 - Iaai Bible 1901 (New Caledonia)

¹⁵ Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 1:15 ပူးပေါင်းရင်းမြစ်များ

Isaia 22:7

Ke ame unöngöt ge je kariota je hnyigöulen bucen ae ti so hnyi em hnyei, kʼ ame tot metâ tavat tabö hors hnyi homagöule.

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Jeremia 13:20

Bwela thö goranyai me wâ tavat adre me o ûhedra hnyi hwadro: ewa hna hat meno adre ham köu, hna hat halem ae kese?

Jeremia 25:28

Ke adre ne höcö hom kaia ûnyi hnyi hnyamâm ke ic, u me he ka ha kodra, ka habe, Walang hna ha hnö Iehova tuhan sabaoth, ka habe, E hnathu öbun e he ka ijem.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 33:10

Walang hna ha hnö Iehova, ka habe, Adre me he hmetu ka long hnyi dok ang, waleji öbun e ha gan, ka habe, E ba wan, e ba at, ke ba meno, hnyi ta je tauniny Juda, me je getheniny Jerusalema wale ae ba wan, ke ba minya at he ka labā e, ke ba meno,

Jeremia 34:1

WALANG hofuc ame o kö Jeremia ûnyi ga Iehova, waleji hnyi hnö Nebukaneza than Babulona, me anyin utbavat hia, me je dokhu hia e ame muso eang hmelen, me je tavat hia adre me vat me Jerusalema, me je tauniny hia, ame ha, ka habe,

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 39:3

me ame didro je taben anyin than Babulona, me laba hnyi homagöule eû hnyi wanben, jia Neregale-sareza, me Samegara-nebo, me Sare-sekim, a Rab-saris, me Neregale-sareza, a Rab-mag, me ke je taben hia anyin than Babulona.

Jeremia 4:16

ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

Jeremia 4:6

Ogöranyâ thö boûdila hnyi Ziona, kec dö ka hnyi dok ae khötkic, ca tot bi: anyin oge me he ka hom okongon ûheny hnyi hwadro, me hnaûhango ae gan hmâ.

Jeremia 43:10

ke ha thö kodra, ka habe, Walang hna ha hnö Iehova tuhan sabaoth Khongu Isaraela, ka habe, Wâ bi, oge me he ka hum Nebukaneza than Babulona athnyabaik, ke oge me he ka otilâ anyin theron hon je veto e waleji oge konâm; ke e ame he ka ulolo anyin imanoiny than hon e.

Jeremia 44:6

Anyin a wale oge me hingâlâ anyik wathethot me anyik hmonyin, ke ame ubâhlâ hnyi je tauniny Juda, me je gethen hnyi Jerusalema, ke ame ba wan gadra, ke hnyot dö helâ me hnyi bong ang.

Jeremia 46:24

Ame he ka hmehma hluiny Aigupito; adre me he ka hna e ka hnyi hnyamen tavat aten hwadro.

Jeremia 5:15

Wâ bi, oge me he ka hom tavat ûnyi hnyi dok ae sâkâû köbun, lap anyi Isaraela, haingö Iehova: hnyei ae hwege, hnyei kâû adrem, hnyei ae ca khanö u hwan idra, ke u me ca wâhmakhmetoâ bi ifucidra.

Jeremia 6:22

Walang hna ha hnö Iehova, ka habe, Wâ bi, ame he ka o tavat ûhedra hnyi hnyei hnyi hwadro; ke adre me he ka obwebwelâ ke hnyei ae gan ûnyi hnyi je can hmeledrany.

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Je tenge anyi Jeremi 5:11

Adre me okongoâ omomo hnyi Ziona, Me wahlu minya hnyi je tauniny Juda.

Ezekiela 32:30

E bi je thaniny hwadro, ödra hia, me at Zidona hia, adre tha utut me tavat adre hlingʼ ödra; waleji hnyi ot adre oâ hnyi hwegiödra ödra hmehma but; ke adre me mokut a gʼ adre ca peritomon, tha ödra me tavat adre hlingʼ ödra ge hele vat, me tha hmehma me tavat adre me utut ka hnyi thop.

Joela 2:20

ke oge me he ka öûsâkâûöâ mʼ öbun utbavat ûnyi hnyi hwadro, me obâ e ka hnyi hnyei ae hwahwacit me ba wan, haba hnyimakan e ka hnyi köiö e deiö, me hoton ka hnyi köiö e jio; ke ame he ka o anyin bokong, j ke ame he ka o bunen anyin bobot, anyin a e ame hia but ânyâ ta je ûnyi ae gan.

Zakaria 6:6

Ke haba kariota a e hnyin li hors ae hlit, me ame he ka hnyi hnyei hnyi hwadro; ke haba li hors ae hau, me ödru me he hotudru; ke haba li at ae sisit, me ödru me he ka hnyi hnyei hnyi hwaiöu.