Jeremia 1:13 - Iaai Bible 1901 (New Caledonia)

¹³ Ke ame olo o könya hofuc ho Iehova ame ha, ka habe, Ieû u me wâ? Me haingök, ka habe, Inya oge me wâ öt ame citröu; ke ame hwio hnyimen ûnyi hnyi hwadro.

Jeremia 1:13 ပူးပေါင်းရင်းမြစ်များ

Genese 41:32

Ke Farao ame olo bo, waleling me me he Khong ka ohmâ ûnyi e, kʼ ame ie he Khong ka ohwâdâ.

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Jeremia 24:3

Haba Iehova ame ha könya, ka habe, Jeremia lö, ieû u je wâ? ke haingök, ka habe, Je wan meta: haba je wan meta ae so, me e ka ti so, ke haba je wan ae kong, me e ka ti kong, ke ca hnân han anyin ae kong.

Ezekiela 11:3

haingödru, ka habe, E ca hakekeny bi ûen he ka op uma: haba taun ang, me helâ me öt, ke ota ang ta je utiö.

Ezekiela 11:7

Anyin a wale walang hna ha hnen Than Iehova, ka habe, Haba je hanibun waleji öbun e ip hnyin e, ödra a ta je viny bi, ke haba taun ang, me öt bi: ke adre me he ka hum öbun ûnyi hnyin e.

Ezekiela 12:28

Anyin a wale ha thö kodra, ka habe, Walang hna ha hnen Than Iehova, ka habe, Ame ca he ka bec hmetu bi hok ta je hofuc hia, ke haba hofuc oge me he ka ba, me ame he ka hwâdâ, haingen Than Iehova.

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Zakaria 4:2

Me haingen könya, ka habe, Ieû u je wâ? Me haingök, Inya oge hia but wâ, ke wâ bi taben lamepa a gol hia, ke hu kaiainy hnyi ban e, ke je lamepainy a seven ethö hon e; ke seven je deny wakaco ka hnyi je lamepa hnyin e: