Jeremia 1:12 - Iaai Bible 1901 (New Caledonia)

¹² Ke haba Iehova ame ha könya, ka habe, E so hnâm hna wâ: anyin oge me hmâkâ hok hofuc he ka ohwâdâ.

Jeremia 1:12 ပူးပေါင်းရင်းမြစ်များ

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Jeremia 1:13

Ke ame olo o könya hofuc ho Iehova ame ha, ka habe, Ieû u me wâ? Me haingök, ka habe, Inya oge me wâ öt ame citröu; ke ame hwio hnyimen ûnyi hnyi hwadro.

Jeremia 24:3

Haba Iehova ame ha könya, ka habe, Jeremia lö, ieû u je wâ? ke haingök, ka habe, Je wan meta: haba je wan meta ae so, me e ka ti so, ke haba je wan ae kong, me e ka ti kong, ke ca hnân han anyin ae kong.

Jeremia 31:28

Ke helâ me hnok hna tuʼ ödra he ka oc, me kia, me hagutâ, me ohia, me ovecâ; helâe oge me he ka tuʼ ödra he ka op goranyai, me tä, haingö Iehova.

Ezekiela 12:25

Anyin a inya Iehova; oge me he bi nya ka fuc, ke haba hofuc oge me he ka ha me ame he bi ka hwâdâ; ame ca he hmetu ka bec: anyin oge me he ka ha hofuc hnyi bongubun je bong, lap ae ûkhin fuc, me ohwâdâ e, haingen Than Iehova.

Ezekiela 12:28

Anyin a wale ha thö kodra, ka habe, Walang hna ha hnen Than Iehova, ka habe, Ame ca he ka bec hmetu bi hok ta je hofuc hia, ke haba hofuc oge me he ka ba, me ame he ka hwâdâ, haingen Than Iehova.

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Luka 10:28

Ke e ame ha kâu, ka habe, E wisa hnâm hna thu, mâdrâ thö e, ke u me he ka möt.

Luka 20:39

Me ame thu hnen keihen tavat sihnalimen, ka habe, At ûne lö, e so hnâm hna ha.

Deuteronomi 18:17

Ke haba Iehova ame ha könya, ka habe, E so hnödrin hna ha.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Deuteronomi 5:28

Me haba Iehova ame löng hobun hofuc, waleji öbun e ha könya; ke Iehova ame ha könya, ka haba, Oge löng ut ifucin tavat eang, wale adre me ha köu: ke so hia hnödra hna ha.