Jeremia 1:10 - Iaai Bible 1901 (New Caledonia)

¹⁰ wâ bi, oge hia but ötilö u hnyi bong ang hon ta je hnyei me hon ta je dokhu, he ka oc degecâ me hagutâ, ke he ka ohia, ke he ka öüo; he ka op goranyai, me tä.

Jeremia 1:10 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 19:17

Ke haba at ame he ka kec ge hele vat anyi Hazaela, me ame he Jehu ka hlingâ: ke haba at ama kec ge hele vat anyi Jehu, me ame he Elisaia ka hlingâ.

At Khet 3:3

ûen hlingâ, me ûen ometo; ûen hagutâ, me ûen otilâ;

Jeremia 1:5

Oge bok ka ö u, ke ödra tiga ca up u hnyi hnyok, ke oge bok ka okabi u, ke u tiga ca o bi ûhem hnyi hnyok; oge hia but ip u hnân peropeta ka ta je hnyei.

Jeremia 24:6

Ke oge me he ka wâ hmʼ ödra, mʼ adre me so, ke oge me he ka ohmetu ödra ka hnyi hnyei ang: ke oge me he ka up ödra goranyai, ke adre me ca he ka hagut ödra; ke oge me he ka te ödra, me ca he ka oc.

Jeremia 25:13

Ke oge me he ka oâ ka hnyei eling ta je hofuc hia oge hia but ha gan, wale hna sihnalimen hia hnyi tusi ang, waleji hnö Jeremia perofeta ge ta je hnyei hia.

Jeremia 31:28

Ke helâ me hnok hna tuʼ ödra he ka oc, me kia, me hagutâ, me ohia, me ovecâ; helâe oge me he ka tuʼ ödra he ka op goranyai, me tä, haingö Iehova.

Jeremia 31:40

Ke ame he ka kap kö Iehova hnyigöulen bucen hia anyin je komok, me je hnabadröu, me je utkânâ hia ke ne o but hnyi wagewe Kederon, ke ne o but hnyi kopiny homagouleny je hors e deiö; adre me ca he hmetu ka oc e, me kia nyiele balua.

Jeremia 36:2

Hom dö tusi adre vhec, me sihnalimen hnyin e ta je hofuc hia waleji oge ha köu ge Isaraela, me Juda, me je hnyei hia, hwân hnyi bong waleji oge fuc hnyin köu, hwân hnyi ta je bong bongu Josea, ke ne o but hnyi bong ang.

Jeremia 44:27

Wâ bi, oge me hmakʼ ödra mʼ adre me kong, me ca so bi: ke adre me he ka aû but hia at Juda a ödra hnyi hnyei Aigupito ge hele vat me hmiâ, ke ne o but ame ba but.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Ezekiela 21:19

Nokon at lö, u me he ka kû li gethen, me me o hele vat anyin than Babulona; lo li gethen ka he ûnyi hnyi hnyei a khaca: ke bi haten ju ke dok, bi haten e hnyi hwâniny gethen ka hnyi taun.

Ezekiela 23:36

Ke haba khaca, Iehova ame ha könya, ka habe, Nokon at lö, hawa, u me he ka owiso Ahola me Aholiba? awe, omanenâ thö ködru hwakecidru ae ikiki.

Ezekiela 32:18

Nokon at lö, tenge thö ge aten Aigupito ae se hia, ke hagutʼ ödra but, e, me wahliuny je hnyei ae lung kâû ka hnyi kânâ tha ödra me tavat adre me utut ka hnyi thop.

Ezekiela 36:36

Me ame he ka khana hnen je hnyei a je kolon igigili öbun, a inya Iehova at ame op hmetu je hnyaba adre hota degecâ, me belökâ je dok ae ba wan: inya Iehova at ame ha, ke oge me he ka ânyâ.

Ezekiela 43:3

Ke haba imaneniny, me helâ me imaneniny oge me wâ, waleji oge wâ hnyi ioik he ka ohia taun; ke haba je hna omanenâ me helâ me hna omanenâ waleji oge wâ hnyi wagewe Kebara: me oge me ta hnyikânâi.

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Zakaria 1:6

Ke haba hok je hofuc ke anyik je hnanyibu, waleji oge me hûna ka lathnyabaik a je perofeta, hawa, ödrin e ca khaû lakamöbun? me adre me hmetu me ha, ka habe, Haba Iehova tuhan sabaoth ame ûnykûme he ka ânyâ kohmun, hoton dehmun je gethen, ke anyihmun je huliwa, ke helâe e ame hia but ânyâ kohmun.