I. Timoteo 4:7 - Iaai Bible 1901 (New Caledonia)

⁷ e so u ma ca kap ta je vekhet ae monu anyin wasomaca. Ke u ma khenen he ka helâ me hwakecin Khong:

I. Timoteo 4:7 ပူးပေါင်းရင်းမြစ်များ

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

I. Timoteo 1:4

me ca he ka oûnyihnathoâ bi ta je vekhet, kʼ adre me ca aû bi ta je döiny tavat, wale ae ba obiny, kʼ ame okûâ iwatretra, kʼ ame ca okûâ huliwa ka Khong hnyi labageju.

I. Timoteo 1:9

wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

I. Timoteo 2:10

ke so bi hnyi ta je huliwa ae so (wale ae ûcû ka omomo adre me haimemenâ a ödra tavat outen Khong.)

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

I. Timoteo 4:8

anyin ae ûhnyûkong troban huliwa hnyi unyin; ke so bi, haba hwakecin helâ me Khong, me bu troban hnyi ta je ûnyi hia thithö, e hu hna ha bânâ hobi kâu möt walang ang, me möt minya bi nyiele.

I. Timoteo 6:11

Ke haba u, aten Khong lö, kec dö ge ta je ûnyi e; me hnu hoton hwakecin ae wisa, me hwakecin ae ûcû me Khong, me labageju, me ibetengiö, me hok hnyok, me hwakecin ae menyik.

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

I. Timoteo 6:3

A ne ke at ame ûnö ke ûnyi bi, me ca hmehmela hofucin möt wale hofuc hwan Tuhöta Iesu Keriso, me hna ûne ae ûcû hoton hwakecin ot ka Khong;

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.

II. Timoteo 2:16

Ke ûsâkâûö u but me ta je hofuc ae monu me ca ûnyi hnathu: anyin adre me he ka bi hanen gânâ hwakecin ae ûcû me Khong,

II. Timoteo 2:23

Ke hota ju ta je ivinö ae monu me ca metâ, anyin ae khanʼ öbun a wale at ame okûâ iwatretra.

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

II. Timoteo 3:5

tavat a helâke me ûcû hwakecidra ka Khong, kʼ ödra ivinoâ bi maniny: ûsâkâûö u but me tavat a helâe.

II. Timoteo 4:4

ke adre me he ka wia ta je hnyikönyödra ûnyi hnyi hnathu, me saû but ka hnyi ta je vekhet.

Tito 1:14

me ca he bi ka kap ta je vekhet anyin at Juda, me ta je hna hûna hnen tavat adre hia but saû ûnyi hnyi hnathu.

Tito 2:12

ame nʼ öta, mʼ ate me he ha hociâ hwakecin ae ca ûcû me Khong, me ta je weny hmeledrany ae monu, ke ate me he bi ka labö ûnykûme wia, me ânyâ hwakecin ae wisa, me hwakecin ae ûcû me Khong hnyi möt ang;

Tito 3:9

ke ûsâkâûö u but me ta je ivinö ae monu, me hna aû ta je dö, me iwatretra, me ivinö ge hnanyibu; anyin ae ba troban, me ûnyi baû bi e.

Heberu 5:14

Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.