I. Timoteo 4:2 - Iaai Bible 1901 (New Caledonia)

² hnen iyawo anyin tavat thoi, tavat ame le oûnykûmidra ge fao ae ōû;

I. Timoteo 4:2 ပူးပေါင်းရင်းမြစ်များ

I. Je Than 13:18

Ke haingen kâu, ka habe, Inya ang ke perofeta helâ möu; ke haba angela ame ha könya hnyi hofuc ho Iehova, ka habe, Ohmeto ju e ka hnyi umâm uma, me me han areto me ijem köiö. Ke e ame thoi kâu.

I. Je Than 22:22

Ke haba Iehova ame ha kâu, ka habe, U ma he ka kâmâu? Me haingen, ka habe, Oge me he ka he but, ke oge me he bi nya a hanu ae thoi hnyi hnyimen anyin ta je perofeta hia. Haingen, ka habe, U me he ka iyawâ, me u me he minya ka tom: he thö, me ânyâ helâe.

Isaia 9:15

Haba hingat ae lung so, me wale ban; ke haba obiny, me wale perofeta ame ûne thoi.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 23:26

Ame he ka e bi ke ne o but kehö eû hnyi hnyekon ta je perofeta tavat adre me perofeta thoi: wale tavat adre me perofeta iyawöâ je hnyekudra?

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Ta je huliwa 20:30

ke ame he ka o minya unyibun tavat adre me he ka ha ta je ûnyi ae hwali, he ka lelo ködra ta je laten.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 4:19

ke adre me ca hmehma hmetu bi, me adre me hnʼ ödra but ka hnyi weny ae monu, he ka ânyâ ta je ûnyi hia ae ikiki me hwen hmiâ.

II. Timoteo 3:5

tavat a helâke me ûcû hwakecidra ka Khong, kʼ ödra ivinoâ bi maniny: ûsâkâûö u but me tavat a helâe.

Hna Omanenâ 16:14

anyin a ödrin je hanu anyin je demoni, ödrin a ânyâ je haten; wale ödrin e he ka ta je than hia hyin hmeledrany he ka ûkhacaköu ödra ka hnyi vat hnyi bong ae gan bonginy Khong Ataekhanahia.