I. Timoteo 3:3 - Iaai Bible 1901 (New Caledonia)

³ ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

I. Timoteo 3:3 ပူးပေါင်းရင်းမြစ်များ

Ta je Vejec 1:19

Helâe dedra ta je gethen hia tavat adre me behnyekudra omjeû; Ame ohia möt anyin tavat ae tren e.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

At Khet 7:8

E so obiny ke ûnyi hon hwân: ke so hokhnyok hon hnyok bi gan.

Isaia 28:1

EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 44:21

Ke haba khaca, ame ca he ke at bihut ka ijem waina e ka dit ka hnyi hnyeule eio.

Levitiko 10:9

U me ca he ka ic waina me grâg, a u me je lakom unyâm, öbun ka didro ka hnyi uma ûkhacaköu, wâ öbun nye mokcu: wale hnanyibu nyiele balua, hnyi anyibun ta je dö:

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Mataio 21:13

me e ame ha kodra, ka habe, Adre hia but sihnalimen, ka habe, Adre me he ka hwenyi ien umök uma, me uma hnân hic: ke öbun e wia e me me op umen tavat venöu.

Ta je huliwa 20:33

E ba sileva, me gol, me ûkkaû anyin ke at oge behnyekon.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Efeso 5:18

Ke ca monu bi Öbun ge waina wale ame okûâ hulo, ke so he ka ounöngöti öbun ge Hanu;

I. Thesalonika 5:14

Ke öhmun e ûjongi öbun hnyat me lakeiny, he ka sihwegi ödra adre me ca he wisa, nʼ ödra ju ae mat hnyekudra, hadruâ thö tavat ae sënyin, hokhnyokâ beûâ ju tavat hia thithö.

I. Timoteo 3:8

Ke helâe minya ta je dikona, hamödra he ka hnyokâ wisa, ca tavat lo ifucidra, ca tavat ijem gânâ waina, ca tavat behu omjeû;

II. Timoteo 3:2

Anyin ame he tavat ka hamödra hnyok kodra bi, me behnyekudra mone, me hobelöu, me bi gan, me fuc monu, me ca löng kamen me hinyen, me ca ole bi, me ca okabâ bi,

Tito 1:11

e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

Tito 3:2

me ca he ka haikongoâ bi ke at, ke ca iwatretra bi, ke so bi he ka ilimuk, me omanenâ hia hwakecin ae menyik ka tavat hia.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Iakobo 4:1

ÛNYI ua ta je vat, ke ûnyi ua ta je ûkûc unyibun? hawa, ca ûnyi ge ta je webun ae kong ame vat hnyi ta je ong outhunyibun?

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.

Hna Omanenâ 1:9

Inya Ioane, liamekeiny mʼ öbun me tha inya mʼ öbun hnyi vec, me dokhu, me hok hnyok ûnyi Iesu, oge mwi but hnyi bomene Patamo ien, can hofuc hwan Khong me hna ohnathu Iesu.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.