I. Timoteo 2:5 - Iaai Bible 1901 (New Caledonia)

⁵ Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

I. Timoteo 2:5 ပူးပေါင်းရင်းမြစ်များ

Jobu 9:33

Ke ba at he ka owisa köhmu, Me ip li hnyamen huhmu.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Mataio 1:1

TUSI hnân aû je dö anyi Iesu Keriso, mâtrâni Davita, mâtrâni Aberahama.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Luka 14:22

Ke haba athnyaba me ha, ka habe, Than lö, adre hia but ânyâ helâ me hnâm hna hûna, ke tiga hu hna lap.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Roma 1:3

ge Nokon, waleji adre hnokoâ ûnyi hnyi mâtrâni Davita hnyi unyin,

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

I. Korinito 8:4

Haba ge hna an ta je ûnyi adre hudo ka ta je hnatheat, e khanʼ öta ae ûnyi baû eang hmeledrany hnatheat, ke ba minya ju ke Khong, ke khaca thibi.

I. Korinito 8:6

ke so bi khaca thibi Khong köta, wale Kamen, ûnyi gan ta je ûnyi hia, ke haba öta me hobi kâu e; ke Than minya a khaca, a e Iesu Keriso, ûnyi gan ta je ûnyi hia, me öta minya a ûnyi gan.

Galatia 3:20

Ke haba at ame oûsoköuâ me ca hnân hobi kâu at a khaca; ke haba Khong me khaca thibi.

Efeso 4:6

khaca thibi Khong, ke e Kamen hia, ke hon hia, ke unyin hia, ke eû hnyin hia.

Deuteronomi 6:4

Isaraela lö, löng ju: haba Iehova Khonguta, me Iehova a khaca;

I. Timoteo 6:13

Inya oge me hûna köu hnyi hnyimakan Khong at ame tuö möt anyin ta je ûnyi hia thithö, me Keriso Iesu, at ame haimemenâ so hnyi hnyimakö Ponetio Pilato;

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Heberu 8:6

Ke walang ang e hu but gan ke huliwa ae nua, helâe minya e at ame öûsoköu hnyi ke ûhihinyköu ae ûnyi hnathu, waleji adre hia but bi taben hon ta je hna ha bânâ ae nua.

Heberu 9:15

Ke anyin a wale, e thibi at ûsoköu hnyi ûhihinyköu ae teb ûnyi me me he tavat adre hawâ ka kap hna ha bânâ wale jekhoû ame ca ba balua, anyin ae hu mok hnân bi hwaban ta je hna hanyâûâ hmelen ûhihinyköu a bân.

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

Hna Omanenâ 1:13

ke e hnyi wanben je taben lamepa a seven ke at helâ me Nokon at, a khavâ ûkhaû ame beû ke ne o but hnyi hnyeûcan, ke ame weikâ ûlainy ge wen a gol.