I. Timoteo 2:4 - Iaai Bible 1901 (New Caledonia)

⁴ wale at ame weny tavat hia thithö he ka möt, me he ka o ka hnyi hna wâhmakhmetoâ hnathu.

I. Timoteo 2:4 ပူးပေါင်းရင်းမြစ်များ

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Ezekiela 18:23

Haingen Than Iehova, ka habe, Hawa oge me senyin e ka mok at ae kong? ke hawa oge me ca senyin bi e ka he ka hmetu ûnyi hnyi ta je hwakecin me me möt?

Ezekiela 18:32

Anyin oge me ca senyin ge mok anyin at ame mok, haingen Than Iehova: anyin a wale hmetu ju öbun, mʼ öbun e möt.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Mareko 16:15

Ke haingen ködrin, ka habe, He thʼ öbun ka hnyi hmeledrany hia thithö ka khetâ evangelia ka tavat hia adre op.

Luka 1:77

He ka o wâhmakhmetoâ lakeiny ge ûhomeli Wale he ka thang anyidra ta je hulö,

Luka 14:23

Ke haingen than ka athnyaba, ka habe, He thö ka hnyi je hna cit gethen, me hmelen je hak, me ûjengi ödra thö jem, me me unöngöt dö umök uma.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 17:17

Okabi ödrin ju ge hnathu gam: he haba hnathu, me hwâm hofuc.

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Roma 11:14

me heleû deny he ka oihu-nyinköuâ lahanök, me omelö keihen gadra a ne khana.

I. Timoteo 4:10

Anyin a wale ate me huliwa me hwege, anyin ate me geju ka Khong ae möt, wale At ame omelö tavat hia thithö, ke beönua ka tavat labageju.

II. Timoteo 2:25

me nâ menyikâ ta je iwahnaihmiony; ame ne he Khong ka ham kodra ietra he ka wâhmakhmetoâ hnathu,

II. Timoteo 3:7

adre me labö ûne, ke ca khanʼ ödra bala bi wâ ûnykûme hnathu.

Tito 1:1

INYA Paulo athnyabainy Khong, me aposetolo anyi Iesu Keriso, hoton labageju anyin tavat a ûcʼ ödra Khong, me hna wâhmakhmetoâ hnathu hoton hwakecin ae ûcû me Khong,

Tito 2:11

Anyin a manen dut ibetengiö baû anyin Khong, wale ame hom möt ka tavat hia thithö,

Heberu 10:26

Anyin ate ne ânyâ hulo ge weta, öta ka hia but wâ ûnykûme hnathu, me ba hmetu bihut can ta je hulo,

Iakobo 3:14

Ke a ne hu gabun eû hnyi je hnyekubun ihuhnyi-nköu ae hiny me imouköu, me ca he bi ka hobelöu, ke ca thoi bi ka hofuc ae hnathu.

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

II. Ioane 1:1

INYA hingat oge me sihnalimen ka ishola adre ûca me lakon, hnyat oge me hnyok kodra hnyi hnathu; ke ca hake inya bi, ke ödra hia minya ae hnyi khanʼ ödra hnathu;

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;