I. Timoteo 2:2 - Iaai Bible 1901 (New Caledonia)

² hobi kâu je than, me tavat musi hia; mʼ ate me he ka laba wia me ûsoköu hnyi ta je hwakecin hia thithö ae ûcû ka Khong, me hwakecin ae wisa.

I. Timoteo 2:2 ပူးပေါင်းရင်းမြစ်များ

II. Samuela 20:19

Inya hanen tavat adre behnahic me hnathu hnyi Isaraela: ke u je elâm he ka ohia taun a hinyen hnyi Isaraela: can ieû u me he ka utâ jekhoû Iehova?

Ezera 6:10

mʼ ödrin e he ka hudo je hut ae bo so ka Khongon drany, me hic me me möt than, me lakon.

Nehemia 1:11

Than lö, ö u tevehlöng ju ge li hnyikönyâm ka hic hijin athnyabaem, me je hic hijin lathnyabaem, tavat adre me wedrin he ka outen iâm: ke ö u ohnahicâ but athnyabaem hnyi bong ang, me ham kâu me me betenge gan at ang. (Ke inya ke ji at ame khop utköiö belen than.)

Salamo 72:1

KHONG lö, ham dö ka than he ka owisa ûnyi gam, Ke ham hwakecâm ae wisa ka nokon than.

Ta je Vejec 24:21

Nokuk lö, outö Iehova ju me than: Ca tha e me tavat adre me hwihwiö:

Jeremia 29:7

Ke elâm dö hnahicin taun waleji oge ûkhûnöng he ka hum öbun ka hnyin, ke hic dö kö Iehova hobi kâu e: anyin a hnyi hnahicin e, öbun e he ka hnyi hnahic.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

Roma 12:18

Laba ûsoköu me tavat hia a ne khanʼ öbun.

Filipi 4:8

Hnyat me lakeiny lö, walang obiny, ka habe, haba ta je ûnyi ae hnathu, me ta je ûnyi adre me haisoâ, me ta je ûnyi ae wisa, me ta je ûnyi ae kalaöt, me ta je ûnyi ae hmanenang, me ta je ûnyi ae lung so; ke a ne ke hwakecin ae so, me ke ûnyi hnân ogânâ, ûnykûme ju öbun ta je ûnyi e.

I. Thesalonika 4:11

kʼ so öbun e elâm he ka laba wia, me ve bi hanymen, me huliwa ge je hnyamöbun, helâ me hnöhmun hna hûna köbun;

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e: