I. Timoteo 1:9 - Iaai Bible 1901 (New Caledonia)

⁹ wale he ka wâhmakhmeto a gʼ adre ca otilâ hnanyibu hobi kâu at ae wisa, ke hobi kodra bi adre me hanyâûâ hnanyibu me ca ûling, me ca ot, kʼ adre ânyâ monu, ke kong hwakecidra, ke thothom baga, ödra tavat hlingâ lakamödra, ke tavat adre me hlingâ lahinyödra, ke tavat ûhlingö,

I. Timoteo 1:9 ပူးပေါင်းရင်းမြစ်များ

II. Samuela 16:11

Ke Davita ame ha kö Abisai, me lathnyabainy hia, ka habe, Wâ bi, e bekuc nya nökuk, at a o ûnyi hnyi hnyekuk; me hawa, ame ca he at Beniamina eang ka ânyâ helâe? hna but e, hamen he ka ûhangö thö, anyin a Iehova ame kunâ e.

II. Je Than 19:37

Ke e ame laba he ka hmi hnyi uma umo Niseroka a khongon, me haba Aderameleke me Sarezera ödru me kot e ge hele vat, me ödru me kec ka hnyi hnyei Ararata. Ke ame than biju Esar-adon a nokon hwaban.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Esodo 20:13

U ca he ka ûhlingö.

Esodo 21:14

Ke ame ne he ke at ame sihnân ke at he ka hlingâ hnen anyin tang iyawö, u ma he ka hom e ûnyi hnyi anyik taben hut me me mokcu.

Ta je Vejec 20:20

Haba at ame hangâ kamen me hinyen, Me adre me he ka ume anyin lamepa hnyi wanben menekholom.

Ta je Vejec 28:17

Haba at ae hmak ut ge dren ke at Me ame he ka kec ka hnyi hmonop; ke so ame ca he ke at ka thawâ e.

Ta je Vejec 28:24

Haba at ame venâu ta je ûnyi anyin kamen me hinyen, ke ha, ka habe, E ba monu; Me e hanen at ame useda.

Ta je Vejec 30:11

E hu dö adre me hangâ kamödra, Me ca haisoâ hinyödra.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Jeremia 23:11

Anyin ame bi gan je perofeta me tavat bihut, eke, oge hia but wâ anyidra hulo hnyi umök uma, haingö Iehova.

Ezekiela 21:25

Ke haba u, at adre me ti kot monoâ lö, a u at ae kong, tuhan Isaraela, kʼ ame o but bongom bong, hnyi ûen adre umö hwakecin ae kong;;

Levitiko 20:9

Ke haba at ame hangâ kâmen me hinyen, adre me he ka hlingâ e: e hia but hangâ kamen ame ne hinyen; ame he ka takoû e ge dren bi.

Mataio 10:21

Ame he keiny ka hna liamekeiny mē ka mok, ke helâe minya kamen ka nokon: kʼ ame he lakon ka tot ka kamödrin me hinyödrin, mʼ adre me he ka hlingʼ ödru.

Roma 1:30

ödra hnyat ûhaiö, me bi fuco, me ûkötiâ Khong, me hwege hnyimödra, me bi gan, me hobelöu, me bihihwakecin ae kong, me ca long lakamödra me lahinyödra,

Roma 4:13

Anyin adre ca habânâ bi kö Aberahama me je mâtrâniny a gʼ ame he ka hu hmeledrany me hwajekhon, ûnyi ge hnanyibu, ke so bi ûnyi ge hwakecin ae wisa hnyi labageju.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Roma 6:14

Ke ame ca he hulo ka musi öbun bi; anyin a ca öbun bi hmelen hnanyibu ke hmelen bi ibetengiö baû.

Galatia 3:19

Ke hnân eû hnanyibu? Adre bi hanen e can ta je hna hanyâûâ, ke ne o but ame o thö mâtrân, wale adre ha bânâ kâu; ke hnen ta je angela hna otilâ e hnyi hnyamen at ame oûsoköuâ.

Galatia 5:18

Ke so bi a ne lili öbun Hanu, me ca öbun bi hnyi hmelen hnanyibu.

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Galatia 5:23

me hwakecin ae ilemuk, me weny ae ûcû: adre ca nyibo bi ta je ûnyi helâe.

Deuteronomi 27:16

Hnaûhangö at ame ca oûnyihnatho kamen me hinyen. Kʼ ame he tavat hia ka ha, ka habe, Amen.

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

I. Timoteo 4:7

e so u ma ca kap ta je vekhet ae monu anyin wasomaca. Ke u ma khenen he ka helâ me hwakecin Khong:

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

II. Timoteo 2:16

Ke ûsâkâûö u but me ta je hofuc ae monu me ca ûnyi hnathu: anyin adre me he ka bi hanen gânâ hwakecin ae ûcû me Khong,

II. Timoteo 3:2

Anyin ame he tavat ka hamödra hnyok kodra bi, me behnyekudra mone, me hobelöu, me bi gan, me fuc monu, me ca löng kamen me hinyen, me ca ole bi, me ca okabâ bi,

Tito 1:10

Anyin e hu tavat ae se hia adre me ca ûling, tavat fuc baû me iyawo, ke ti nua bi ge tavat adre peritomonâ,

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Tito 1:6

e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Heberu 11:31

Hnen labageju ame ca tha mok Rahaba, a momo hnyi gethen, me tavat adre me ca ûling, anyin a e ame kap soâ li at adre kunâ he ka ecmak.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

I. Peteru 3:20

waleji a tavat adre me ca ûling ehac, hnyi ûen lingvec ae beû hmâ anyin Khong ame halubahingen hnyi ûö Noa, ke e ame penapena hu, waleji adre omelö hnyat ae wakhalet hnyin, a ödrin eit hnyi köiö:

I. Peteru 4:18

Ke a ne huliwa but he ka omelö tavat ae wisa, ame he ka manen ua at ame ca ot me at ae kong?

Juda 1:15

he ka bi hwaban ka tavat hia thithö, me he ka ohwâdâ ka tavat adre ca outen Khong, anyidra ta je huliwa ae ca ûcû ka Khong, waleji adre ânyâ me ca ot ka Khong, me ta je hofuc ae hwahwacit waleji a ha gan tavat ae kong adre me ca outen Khong.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.