I. Samuela 9:25 - Iaai Bible 1901 (New Caledonia)

²⁵ Ke ödrin e utut ka hnyi taun ûnyi hnyi dok ae görany, me haba Samuela ame ûhnenamö me Saulo hon uma.

I. Samuela 9:25 ပူးပေါင်းရင်းမြစ်များ

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

Nehemia 8:16

Me ame he but tavat, me hom, me ve ânyâ hobi ködrin bi je uma menâ ethö hon ban umödrin je uma, me hnyi je hnyabadrin, me je hnyaban uma umen Khong, me hnyi dok ae lau hnyi homagöuleny an, me hnyi dok ae lau hnyi homagöule Eferaima.

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Mataio 10:27

Haba ûnyi oge me ha köbun hnyi menekholom, ha thʼ öbun hnyi melam: ke haba hnobun hna long ge je hnyikönyöbun, khetâ thö hon ban je uma.

Mataio 24:17

ke haba at hnyi hon uma, e so e me ca utut he ka hok ûnyi ûnyi hnyi hnyin umen uma:

Luka 5:19

Ke ödrin e ca wâ bi deny he ka hom e anyin ae se hia tavat, me ödrin e ölö thö ka hnyi hon uma me hna hna but e me hna mokut minya hnyi wanben hna tubi bouma hnyi hnyimakö Iesu.

Ta je huliwa 10:9

Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny:

Deuteronomi 22:8

U je ne up uma a teb ûnyi, me u me he ka bi haginy ethö hnyi ban umâm uma igigilö, wâ e nye takoû umâm uma ge dra, ame ne kolu at ûheny thö.

I. Samuela 9:26

Ke ödrin e vesâ kong: ke haba hnyi haolany, me Samuela ame hongot kö Saulo hon ban uma me ha, ka habe, Todrö, mʼ inye he ka kunö u. Me ame todrö Saulo, ke ödru me tha he hââng a e me Samuela.