I. Samuela 9:20 - Iaai Bible 1901 (New Caledonia)

²⁰ Ke haba je asina wale a hia hnyi kun ta bong ca hmak bi hnyekom gadrin: anyin adre ō ʼdrin ju. Ke hobi kö ia ûnyi adre weny hia hnyi Isaraela? Hawa, ca hobi köu bi, me lap hia anyin kâmâm?

I. Samuela 9:20 ပူးပေါင်းရင်းမြစ်များ

I. Man Ûlabainy Je Than. 29:3

Ke anyin a inya oge me hnyok ka hnyi uma umen Khonguk, me hu gak omjehek gol me sileva, me oge me ham e hobi kâu uma umen Khonguk, ca ha bi hnok hna penapena hobi kâu uma ae kap;

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Kolose 3:2

Hnyok dʼ öbun ka ta je ûnyi ethö, ke ca ka ta je ûnyi eang hmeledrany.

I. Samuela 10:16

Me Saulo ame ha ka ke kamen, ka habe, E ame ha manenâ köhmu a gʼ adre wâ ju je asina. Ke e ame ca omanenâ kâu ge dökhu, waleji a ha Samuela.

I. Samuela 12:13

Ke walang ang, wâ bi than öbun e ûca, me sumâtâ: ke wâ bi Iehova ame hia but otilâ tuhöbun.

I. Samuela 12:15

ke öbun e ne ca long hoton hofuc ho Iehova, kʼ öbun e ne hanyâûâ hnanyibu anyi Iehova, awe, ame he ka iwahnaihmiony möbun hnyamö Iehova, helâji me ka je lakamöbun.

I. Samuela 4:20

Ke hnyi ûen anyin mok ame ha kâu je momo adre tha e mē, ka habe, Ca he ka ot, anyin a u je hia but hnokoâ da. Ke e ame ca thu bi, ke ame ca long minya bi.

I. Samuela 8:19

Ke so bi haba tavat adre me höcö long hofuc ho Samuela; ke haingödra, ka habe, Ohe, ohmun e he ka hu tuhöhmun;

I. Samuela 8:5

me ödrin e ha kâu, ka habe, Wâ bi, u hingat ut, ke ame ca vheno dem gethen li lakom: ke walang ang u me he ka otilö thanihmun he ka owisa kohmun helâ me je hnyei hia.

I. Samuela 9:19

Me Samuela ame thu kö Saulo, ka habe, Inya ang at ame wâ; böbu thö ka ölö ka hnyi dok ae görany, anyin a öbu me he ka tha han mönya eâu: ke oge me he nyi ka kunö u, me omanenâ hnyekom.

I. Samuela 9:3

Ke a hia je asina hale Kiso kamö Saulo. Me haba Kiso ame ha kö Saulo a nokon, ka habe, Bethe hawâ ke athnyaba me todrö me he thö ka elâm je asina.