I. Samuela 9:16 - Iaai Bible 1901 (New Caledonia)

¹⁶ haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.

I. Samuela 9:16 ပူးပေါင်းရင်းမြစ်များ

II. Samuela 3:18

awe, ânyâ thö walang ang: anyin a Iehova ame hia but ha ga Davita, ki habe, Oge me he ka omelö lakeik a at Isaraela ûnyi hnyi hnyamen at Filisiti, me ûnyi hnyi hnyamen je iwahnaihmiony mö-îrin ge hnyamö Davita athnyabaik.

II. Je Than 20:5

Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

Salamo 102:1

IEHOVA lö, long ju hijic hic, Ke so e o but köu hok hwatenge.

Salamo 106:44

Ke so bi e ame long hnödra hna vec, Hnyi ûen e ame wâ anyidra tenge:

Salamo 25:18

Ûnykûme ju anyik hmak me anyik vec; Me thang degecâ but anyik ta je hulo hia.

Ta je Vejec 16:9

Haba hnyekon at, me ame ûnykûme deny gethen: Ke Iehova ame muso hnen ta je hna okca.

Jeremia 32:8

Me ame o könya Hanamela nöku cica hoton hofuc ho Iehova hnyi hnyeuleny uma ceat, me ha könya, ka habe, Ö u ûco thö utkânâ a ik hnyi Anathoth hnyi hnyei Beniamina: anyin ae ûcû köu he ka hu, ke hu musi gam he ka ûco hmetu; ûco thö me hobi köu. Me oge me wâhmakhmeto a hofuc e ho Iehova.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 14:20

Ke Saulo me tavat hia unyin adre me ûkhacaköu me he ka hnyi vat: ke wâ bi, ödrin e ûkotköuâ lahiödrin, ke ti gan hmâ imonumonuny.

I. Samuela 14:23

Me haba Iehova ame omelö at Isaraela hnyi bong eling: ke adre me vat ke ne o but ka hnyi Beth-aven.

I. Samuela 15:1

KE haba Samuela ame ha kö Saulo, ka habe, Iehova ame kunö nya he ka hû u me thaniny lakeiny a at Isaraela: ke long ju walang ang hofuc ho Iehova.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:3

Ke u me he ka hawo Jese he ka hnyi hanen hut, ke oge me he ka omanenâ köu ûnyi u me he ka ânyâ: ke u me he ka hû hobi könya at oge me he ka ha köu.