I. Samuela 9:12 - Iaai Bible 1901 (New Caledonia)

¹² Me ödrin e thu ködrin, ka habe, e, wâ bi hnyi hnyimâkâm: hele thʼ öbu, anyin a o thö eja hnyi taun; anyin ae hu hut anyin tavat eâu hnyi dok ae görany:

I. Samuela 9:12 ပူးပေါင်းရင်းမြစ်များ

Genese 31:54

Ke Jekob ame bi hudo ke hut hnyi bucen, me hawâ je liamekeiny më ka hnyi han areto: ke ödrin e han areto, me mokut hnyi bucen.

I. Man Ûlabainy Je Than. 16:39

me Zadoka at bihut, me je liamekeiny mē a je at bihut, hnyi hnyimakan uma mano umö Iehova, hnyi dok ae gorany hnyi Gibeona,

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 16:2

Ke haingö Samuela, ka habe, Oge me he ka hawa? ame he Saulo ka hlingö nya ame ne löng bi. Haba Iehova ame ha, ka habe, U me he ka tha hom mou ke nokon kau, me ha, ka habe, Oge me o he ka hudo kö Iehova.

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 20:6

Ame ne hnei nya kâmâm, u me he ka ha, ka habe, Ame sumat ûjongi nya Davita be ka wadring Bethe-leema ai wale anyin taun: anyin ae hu hudiny huna eling hobi kâu anyin lap hia.

I. Samuela 7:17

Ke e ame labö hmetu Rama ai, anyin a waleling umen uma; ke e ame owisa eling ka at Isaraela: ke e ame otilâ eling ke taben hut kö Iehova.