I. Samuela 8:7 - Iaai Bible 1901 (New Caledonia)

⁷ Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.

I. Samuela 8:7 ပူးပေါင်းရင်းမြစ်များ

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Isaia 66:4

Oge me he bi minya ka ûca anyidra ta je tang iyauö, me oâ kodra ta je ûnyi adre me outen; anyin a hnyi ûen oge me hongot, e ba at ame ieû; hnyi ûen oge me fuc, e ba at ame long: ke so bi adre me ânyâ hulo hnyi hnyimakök, me ûca ûnyi oge me ca senyinâ.

Jeremia 34:14

Hyni obiny je huna a seven u me he ka hna liamekeiny möu a at Heberu, waleji u je ûco, ke a bi athnyabaem hnyi siks ta huna, u me he ka hna baûâ e: ke haba je lakamöbun adre me ca ling nya, me tevehling nya.

Ezekiela 2:3

Ke e ame ha könya, ka habe, Nokon at lö, inya oge me kunö u ka lakon Isaraela, ka je hnyei adre me ûkhin fuc, waleji tavat adre me thu anyik musi: ödra me lakamödra adre hia but ânyâ hwakecin ae kong könya ke ne o but hnyi bong ang.

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Numera 22:20

Ke haba Khong ame o but kö Balaama hnyi hnyinghet, me ha kâu, ka habe, Ame ne o tavat ka hawo u, me todrö, me tha he mödrin: ke so bi, haba thibi ûnyi oge me he ka ha köu, me wale ûnyi u ma he ka ânyâ.

Mataio 10:40

Haba at ame köp öbun, me ame köp nya minya, ke haba at ame köp nya, me ame kap at a kunö nya.

Luka 10:16

Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 19:14

Ke ame hociâ e hnen aten iny hnyei, ke adre me kunâ ûthumetu he ka wadring hoton he ka ha, ka habe, E ca wehmun me me musi ohmun at ang.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Ioane 13:16

E hnathu, e hnathu, inya oge me ha köbun, ka habe, E ca gan aten hon tuhan; ke ca gan minya at adre kunâ hon at a kunâ e.

Owisa 8:23

Ke haingö Gideona ködra, ka habe, Oge me ca he ka musi öbun, kʼ ame ca he bi nokuk ka musi öbun: hainö Iehova he ka musi öbun bi.

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 12:1

KE Samuela ame ha ka at Isaraela hia, ka habe, Wâ bi, oge hia but long hia hoton hobun hofuc waleji öbun e ha könya, me otilâ tuhöbun.

I. Samuela 12:12

Ke öbun e wâ a ga o but köbun Nahasa, thaniny laku Amona, me öbun e ha könya, ka habe, Ohe, e so e hu than he ka musi kohmun: ke so bi Iehova me anyibun than.

I. Samuela 8:22

Ke haba Iehova ame ha kö Samuela, ka habe, Long ju hodra, me otilâ tuhödra. Me Samuela ame ha ka at Isaraela, ka habe, Vese but öbun ka hnyi anyibun je taun.

I. Samuela 8:8

Helâ me hnödra hna ânyâ hia, hwân hnyi bong waleji oge hum ödra hnyin ûheny Aigupito ke ne o but hnyi bong ang, ke adre me digic nya me bi athnyaba ka ke je khong, me ödrin e ânyâ minya e köu,