I. Samuela 8:5 - Iaai Bible 1901 (New Caledonia)

⁵ me ödrin e ha kâu, ka habe, Wâ bi, u hingat ut, ke ame ca vheno dem gethen li lakom: ke walang ang u me he ka otilö thanihmun he ka owisa kohmun helâ me je hnyei hia.

I. Samuela 8:5 ပူးပေါင်းရင်းမြစ်များ

Numera 23:9

Oge me wâ e ûnyi hnyi hon kic, Oge bwele kâu ûnyi hnyi dok ae görany: Wâ bi, wale tavat adre me he ka hake laba, Kʼ adre me ca he ka tha öû ödra me ta je hnyei.

Ta je huliwa 13:21

Ke hwaban e, adre me sumâtâ than: me baba Khong ame ham kodra Saulo a nöku Kiso, aten tribu Beniamina hnyi je huna a fâte.

Owisa 8:22

Ke haba at Isaraela adre me ha kö Gideona, ka habe, U me he ka musi ohmun, a u, me nokom, me öbem: anyin a u je hia but omeli ohmun ûnyi hnyi hnyamen at Midiana.

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 12:13

Ke walang ang, wâ bi than öbun e ûca, me sumâtâ: ke wâ bi Iehova ame hia but otilâ tuhöbun.

I. Samuela 12:17

Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 12:2

Ke haba walang ang, me ame ngenu tuhöbun hnyi hnyimaköbun: ke inyʼ hingat ut, me hûen dut; ke wâ bi e unyibun li lakuk: ke oge hia but ngenu hnyi hnyimaköbun hwân kʼ iny tiga thoth ke ne o but hnyi bong ang.

I. Samuela 9:20

Ke haba je asina wale a hia hnyi kun ta bong ca hmak bi hnyekom gadrin: anyin adre ō ʼdrin ju. Ke hobi kö ia ûnyi adre weny hia hnyi Isaraela? Hawa, ca hobi köu bi, me lap hia anyin kâmâm?