I. Samuela 7:9 - Iaai Bible 1901 (New Caledonia)

⁹ Haba Samuela ame hom ke nokon mamoe ame tiga i, me hudo hnân hudiny leû ae bekhöt kö Iehova: me Samuela ame tengiâ at Isaraela kö Iehova: me Iehova ame löng.

I. Samuela 7:9 ပူးပေါင်းရင်းမြစ်များ

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Levitiko 22:27

Adre me ne hnokoâ bolok, ame ne mamoe, ame ne got, me e ame he ka tha laba me hinyen hnyi je bong a seven: ke hwân hnyi bong a eitiny adre me he ka hap hnân hut a an ge meic kö Iehova.

Deuteronomi 9:26

Me oge me hic kö Iehova me ha, ka habe, Than Iehova lö, u me ca he ka ohia lakem me hwajekhom, waleji u je omelö ge manâm man, me hom ûheny Aigupito ge hnyam ae hwege,

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.

Owisa 6:26

ke u me he ka otilâ taben hut kö Iehova Khongom hnyi hon ban hnabâ ae hwege eling, ge huliwa ae ûcû, me hom dö bolok a loiny me me hudo hudiny leû hon ûtoiny Aseira u me he ka sö degecâ.

Owisa 6:28

Ke a hmak dö tavat aten taun hnyi hnyomakatu, me wâ bi, adre hia but kia taben hut kö Baala, me sö degecâ Aseira walethö bon, me hudo bolok a loiny hon taben hut adre otilâ.

I. Samuela 10:8

Ke bâm dö Gilegala ai, ke ama bilik; ke wâ bi, oge me he ka utut köu he ka hudo je hudiny leû, me hudo je hudiny ûsököu: seven je bong u me he ka hulubahingen ke ne o but oge me o köu, me omanenâ köu ûnyi u me he ka ânyâ.

I. Samuela 12:17

Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 16:2

Ke haingö Samuela, ka habe, Oge me he ka hawa? ame he Saulo ka hlingö nya ame ne löng bi. Haba Iehova ame ha, ka habe, U me he ka tha hom mou ke nokon kau, me ha, ka habe, Oge me o he ka hudo kö Iehova.

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 7:17

Ke e ame labö hmetu Rama ai, anyin a waleling umen uma; ke e ame owisa eling ka at Isaraela: ke e ame otilâ eling ke taben hut kö Iehova.

I. Samuela 9:12

Me ödrin e thu ködrin, ka habe, e, wâ bi hnyi hnyimâkâm: hele thʼ öbu, anyin a o thö eja hnyi taun; anyin ae hu hut anyin tavat eâu hnyi dok ae görany: