I. Samuela 7:12 - Iaai Bible 1901 (New Caledonia)

¹² Ke Samuela ame hom ke veto, me otilâ wanben Mizepa me Seni, me hwenyi ien Eben-eza, haingen, ka habe, Iehova ame hadruʼ ota ke ne o but eang.

I. Samuela 7:12 ပူးပေါင်းရင်းမြစ်များ

Genese 22:14

Ke Aberahama ame hwenyi ien dok e, ka habe, Iehova-irae: helâ me hnödra hna labö ha ke ne o but hnyi bong ang, ka habe, Adre me he ka penapena e hnyi bucen anyi Iehova.

Genese 35:14

Ke Jekob ame otilâ haten hnyi dok e ame fuc kâu hnyin, veto a haten: ke e ame hingâlâ hon e hudiny hic, me hingâlâ wakaco hon.

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Salamo 71:6

Ame kap tilö nya ûnyi gam hwân hnyi hna hnöku nya: U thibi at u je hum nya but ûnyi hnyeku bai: Oge me he bala ka oganö u.

Esodo 17:15

Ke Mose ame otilâ taben hut me hwenyi ien e Iehova-nisi:

Isaia 19:19

Hnyi bong eling ame he ka hu taben hut kö Iehova hnyi wanben hnyei Aigupito, me haten adre otilâ kö Iehova hnyi hnyigöulen e.

Ta je huliwa 26:22

Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o;

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

Josua 4:9

Ke haba Josua ame hwa je veto a twelv eû hnyi wanben Joridano, hnyi dok ame tot hnyin li can hnyat bihut, hnyat ödrin e vadren tangen ûhihinyköu: ke ka eling ke ne o but hnyi bong ang.

I. Samuela 14:35

Ke Saulo ame otilâ taben hut kö Iehova: wale taben hut a bân e ame otilâ kö Iehova.

I. Samuela 4:1

KE ame o thö hofuc ho Samuela ka at Isaraela hia. Me ame he at Isaraela he ka vat me at Filisiti, me adre me hunuma hnyi Eben-eza: ke ame hunuma at Filisiti hnyi Afeka.

I. Samuela 5:1

WALELING a hom tang tangen Khong hnen at Filisiti, ke adre me hom e Asedoda ai ûheny Eben-eza.

I. Samuela 7:11

Kʼ ame he at Isaraela ûheny Mizepa me hnu at Filisiti, me kuc ödra ke ne o but hmeli Bethe-ka.