I. Samuela 6:4 - Iaai Bible 1901 (New Caledonia)

⁴ Ke haingödrin, ka habe, Ieû hudiny hulö ohmun e he ka hom kâu? Haingödrin, ka habe, Thabûng ta ohuc gol, me thabûng ta tep gol, oûco je thaniny at Filisiti: anyin a khaca thibi anyibun mok hia me je tuhöbun.

I. Samuela 6:4 ပူးပေါင်းရင်းမြစ်များ

Esodo 12:35

Ke je lakon Isaraela adre me ânyâ helâ me hofuc ho Mose; me adre me sumâtâ at Aigupito ge ta je hmanenanginy sileva, me ta je hmanenanginy gol, me ta je ûkhaû:

Josua 13:3

hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

Owisa 3:3

walang faiv ta than Filisiti, me at Kanana hia, me at Sidona, me at Hivi adre me labā bucen î Lebanona, hwân hnyi bucen Baala-heremona ke ne o but hnyi gethen ame didro ka hnyi Hamath.

I. Samuela 5:12

Ke haba tavat a ca mokcu, a tabʼ ödra ohuc: ke ame he thö hnyi dranyai hwan utengien taun.

I. Samuela 5:6

Ke hmak ut hnyamö Iehova hon at Asedoda, me e ame ohiʼ ödrin me kuc ödrin ge je okuc, wale hnyi Asedoda me je hnyigöulen.

I. Samuela 5:9

Ke ödrin e hia but hom tilâ e, me haba hnyamö Iehova ame iwahnaihmiony me taun kʼ ame ti okongoâ: me ame kot obagainy taun a tavat ae ûhnyûkong me tavat ae gan, kʼ ame tabʼ ödrin ohuc.

I. Samuela 6:5

Anyin a wale öbtin e he ka theatâ anyibun je ohuc, me halebun je tep, hnyat okongoâ hnyei; ke öbun e he bi ka ogânâ Khongon at Isaraela; me ame ne he ka ohâhâ hnyamen hubun, me hon je khongubun me ibun hnyei.

I. Samuela 6:8

ke hom dö tang tangö Iehova, me ip hon kât; ke hitangen ju je omjeû gol wale öbun e he ka hom kâu hnân hudiny hulö hnyi ong tang me tha ip mē; me kunâ e me me he but.