I. Samuela 6:17 - Iaai Bible 1901 (New Caledonia)

¹⁷ Ke walang je ohuc gol a ham at Filisiti hnân hudiny hulö kö Iehova; khaca ûnyi ge Asedoda, khaca ûnyi ge Gaza, khaca ûnyi ge Asekelona, khaca ûnyi ge Gatha, khaca ûnyi ge Ekerona;

I. Samuela 6:17 ပူးပေါင်းရင်းမြစ်များ

II. Samuela 1:20

Ca he ka thumetoâ hnyi Gatha, Ca he ka khetâ e hnyi je getheniny Asekelona; Wâ e nye senyin wahlu lakon at Filisiti, Wâ e nye hobâ wahlu lakon tavat adre ca peritomonâ.

II. Samuela 21:22

Wale hnyat a vak eling nokon at ae beû adre hnokoâ hnyi Gatha; ke ödrin e ta but ge hnyamö Davita me lakeiny.

II. Je Than 1:2

Ke haba Ahazia ame kolu ûnyi hnyi hna pewanâ mamalama hnyi hnyeuleny ethö, hnyi Samaria, me e ame moko: ke e ame kunâ je ûthumetu, me ha ködrin, ka habe, He thö ka hnei Bele-sebuba kongon Ekerona me inye he ka möt ûnyi hnyi mok ang.

II. Man Ûlabainy Je Than. 26:6

Me e ame he but me vat me at Filisiti, me thö degecâ hna up haginy hnyi Gatha, me hna up haginy hnyi Jabene, me hna up haginy hnyi Asedoda; me e ame op je taun hnyi hnyei Asedoda, me Filisiti.

Jeremia 25:20

me ke je tavat bi ae ve bongon hia, me ta je than hia thithö hnyei Uza, me ta je than hia thithö hnyi hnyei Filisiti, me Asekelona, me Gaza, me Ekerona, me je kolon hnyi Asedoda;

Levitiko 5:7

Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Amosa 1:6

Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Amosa 6:2

He thö Kalene ai me wâ; ke ûhem e, he thö Hamath ai ae gan: ke utut minya Gatha ai anyin at Filisiti: hawa, ödra so hon je dokhu eling? ame ne gan je idra hon je ibun?

Deuteronomi 28:27

Ame he Iehova ka kuc u ge ohuciny Aigupito, me vec tiny, me anyû, me hölök, wale ae ca khana bi he ka metu.

Owisa 1:18

Ke Juda ame hûgûnâ minya Gaza me baten e, me Asekelona me baten e, me Ekerona me baten e.

Owisa 14:19

Me ame ut hwege hanu Iehova ka hnyi hon, me e ame he Asekelona ai, me kot eling hnyat a thöte me sei ödrin, me ham ka hnyat ödrin e omanenâ hûkehmuen je bwiny khaû. Ke ame ubâhlâ thö anyin hmönyin me e ame he ka hnyi hnyaban kamen.

Owisa 16:1

KE Samasona ame he Gaza ai, me e ame wâ eling momo hnyi gethen, ke e ame didro kâu.

Owisa 16:21

Me ame kât e at Filisiti me ûâ li emakan; me ödrin e hom a Gaza ai, me ca e ge je tö a bras; ke haba hanymen hnyi kalebus me he ka khenyo ta je ûnyi.

I. Samuela 5:1

WALELING a hom tang tangen Khong hnen at Filisiti, ke adre me hom e Asedoda ai ûheny Eben-eza.

I. Samuela 5:10

Me ödrin e ûkhûnöng me tang tangen Khong Ekerona ai. Ke ame o but tang tangen Khong hnyi Ekerona, me haba at Ekerona ödrin e kuku me ha, ka habe, Ödrin e hom kötin tang tangen Khongon at Isaraela, me me hlingʼ otin me itin hnyei.

I. Samuela 5:8

Me ödrin e ûkhûnöng he ka ûkhacaköuâ mödrin je thaniny at Filisiti hia, me ödrin e ha, ka habe, Otin e he ka hawa ka tang tangen Khongon at Isaraela? Me ödrin e thu, ka habe, E so adre me hom tilâ tang tangen Khongon at Isaraela Gatha ai. Me ödrin e hom tilâ tang tagen Khongon at Isaraela.

I. Samuela 6:4

Ke haingödrin, ka habe, Ieû hudiny hulö ohmun e he ka hom kâu? Haingödrin, ka habe, Thabûng ta ohuc gol, me thabûng ta tep gol, oûco je thaniny at Filisiti: anyin a khaca thibi anyibun mok hia me je tuhöbun.