I. Samuela 6:14 - Iaai Bible 1901 (New Caledonia)

¹⁴ Ke ame o thö kât hnyi utkânâ i Josua at Bethe-semes, me ame todru eling hnyi veto ae gan: me ödrin e kia ûtoiny kât me hudo li kau hnân hudiny leû kö Iehova.

I. Samuela 6:14 ပူးပေါင်းရင်းမြစ်များ

II. Samuela 24:18

Ke ame o but Gada kö Davita hnyi bong eling, me ha kâu, ka habe, Ölö thö, me otilâ taben hut kö Iehova hnyi hna huje hwit anyi Aruna at Jebusi.

II. Samuela 24:22

Ke Aruna ame ha kö Davita, ka habe, E so than tuhok ame hom me hudo ûnyi ae so kâu: wâ bi je bolok hnân hudiny leû, me je ûnyi hnân huje hwit me omjehen je bolok me hlogon:

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

I. Je Than 19:21

Me e ame hmetu ûheny unyin, me hom ûcû lo li bolok, me hlingâ, me thân utioiny ge omjehen li bolok, me ham ka tavat, me ödrin e han. Me e ame todrö me he hotu Elia, me bi athnyabainy.

Esodo 20:24

U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Owisa 21:4

Ke nyi hnyomakatu, ame vesâkong tavat, me otilâ eling taben hut, me hudo je hudiny leû, me hudiny ûsoköu.

Owisa 6:26

ke u me he ka otilâ taben hut kö Iehova Khongom hnyi hon ban hnabâ ae hwege eling, ge huliwa ae ûcû, me hom dö bolok a loiny me me hudo hudiny leû hon ûtoiny Aseira u me he ka sö degecâ.

I. Samuela 11:5

Ke wâ bi, ame o but Saulo e ame alen je kau ûheny hnyi hnyei; ke Saulo ame ha, ka habe, Ieû ame tenge gan tavat; Me ödrin e thumeto ge hofuc hwan at Jabese.

I. Samuela 20:29

haingen, ka habe, Ö u hnö nya but, anyin ame he anyihmun lap hnyi taun he ka bi hut; ke haba tuhok ame hia but hûna könya he ka hnyi hanen: ke walang ang u je ne betenge gak, ö u me hnö nya but he ka iouny me je liamekeiny mönya. Can e, me me ca he jem ka hnyi laulau anyin than.

I. Samuela 6:13

Ke haba at Bethe-semes, ödrin e subâ anyidrin hwit eû hnyi hnyigöulen bucen: ke ödrin e bwele me wâ tang, me ödrin e senyin he ka wâ.

I. Samuela 6:18

me je tep gol oûco je tauniny at Filisiti hia anyin je than a thabûng, a je taun adre up haginy, me je taun ae ûhnyûkong hnyi ta hnyei: ke ne o fat hnyi veto ae gan wale ödrin e ip tang tangö Iehova hnyi hon, ka eling ke ne o but hnyi bong ang hnyi utkânâ i Josua at Bethe-semes.